2.9 Միլիոն Տոլար Արժող Հողատարածք Մը Կը Նուիրուի Սան Տիէկոյի Ս. Յովհաննու Կարապետ Եկեղեցւոյ

0123san diago

0123san diago

ՍԱՆ ՏԻԷԿՕ.- Սան Տիէկոյի Ս. Յովհաննու Կարապետ Հայց. եկեղեցւոյ հոգեւոր հովիւ Բագրատ Ծ. վրդ. Պերճէքեան, եկեղեցւոյ հոգաբարձութիւնն ու նոր եկեղեցւոյ կառուցման հիմնադրամի յանձնախումբը կը տեղեկացնեն, թէ անանուն նուիրատու մը որոշած է նոր կառուցուող եկեղեցւոյ համալիրին կից գտնուող 4 արտավար հողատարածքը նուիրել եկեղեցիին։

Նուիրատուն փափաք յայտնած է, որ մօտաւորապէս 2.9 միլիոն տոլար արժող այդ հողատարածքին վրայ կառուցուի տարեցներու խնամատարութիւն տրամադրող բնակարանային համալիր մը, որմէ գալիք եկամուտը պիտի տրամադրուի եկեղեցւոյ։

Սան Տիէկոյի Ս. Յովհաննու Կարապետ եկեղեցւոյ նոր կառոյցի ծրագիրը, երկար պայքարէ մը ետք վաւերացուած է Քալիֆորնիոյ ծովեզերեայ յանձնաժողովին կողմէ: Տել Մար քաղաքին մօտերը գտնուող եւ 14 արտավար տարածքի մը վրայ հաստատուող նոր համալիրին կառուցումը պիտի իրականացուի հանգրուաններով, իսկ անոր աւարտին, շրջափակին մէջ պիտի ունենայ նոր եկեղեցի, ընկերային ձեռնարկներու յատուկ սրահ, երիտասարդական կեդրոն, մարզական սրահ, գրադարան, դասարաններ, դաշտահանդէսներու վայր եւ ընդարձակ կանգառ:

Յաւելեալ տեղեկութեանց կամ ծրագիրին աջակցելու համար, այցելել www.stjohngarabed.org կայքը, կամ դիմել harrykrikorian@msn.com եւ stjohngarabedsd@gmail.com հասցէներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top