Հայ Դատը Պիտի Մեծարէ Կրթական Մարզէն Երեք Հայուհիներ

0000Awards-Luncheon COLOR

0000Awards-Luncheon COLOR

ԿԼԵՆՏԷՅԼ.- Շաբաթ, Փետրուար 24ին, կ.ա. ժամը 11ին կայանալիք ճաշկերոյթի մը ընթացքին, Արեւմտեան Ամերիկայի Հայ Դատի յանձնախումբի կրթական հարցերու բաժանմունքը պիտի մեծարէ Քալիֆորնիոյ կրթական մարզէն ներս յատկանշական իրագործումներու հասած երեք հայուհիներ։

Յիշեցնենք, որ անցեալ տարի մեծարուած էր Զարուհի «Սարա» Չիթճեանը, որուն անունով կոչուած էր Հայոց Ցեղասպանութիւն, հայոց պատմութիւն եւ մշակոյթ դասաւանդող արտակարգ հայ ուսուցիչներ մեծարելու նպատակով հաստատուած յատուկ մրցանակը։

Այս տարի, Զարուհի «Սարա» Չիթճեանի անուան Հայոց Ցեղասպանութեան դասաւանդման մրցանակը պիտի յանձնուի Վիվիան Եքճեանին եւ Թալին Արսէնեանին։

Վիվիան Եքճեան վերջերս ստանձնած էր Լոս Անճելըսի Միացեալ կրթաշրջանի ժամանակաւոր վերահսկիչի պաշտօնը, իսկ Թալին Արսէնեան Կլենտէյլի ուսուցիչներու միութեան նախագահն է։

«Հպարտ ենք մեծարելով այս երկու տաղանդաւոր կրթական մշակակները», կը յայտնէ Արեւմտեան Ամերիկայի Հայ Դատի յանձնախումբի կրթական ատենապետուհի Ալիս Պետրոսեան։

Նշեալներու կողքին, ձեռնարկին պիտի մեծարուի նաեւ դասախօս եւ Հայոց Ցեղասպանութենէն վերապրած իր մօր յուշագրութեանց հեղինակ դոկտ. Քէյ Մուրատեանը՝ Ցեղասպանութեան նիւթի դասաւանդման մարզէն ներս իր ունեցած յատկանշական ներդրումին համար։

Նշեալ ճաշկերոյթը տեղի պիտի ունենայ «De Luxe» սրահին մէջ (237 E Olive Ave., Burbank, CA 91502)։ Տեղեր ապահովելու համար, այցելել www.ancawr.org/luncheon/register կայքէջը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Mardig Madenjian said:

    Յաջողութիւն կը մաղթեմ, սպասելով որ օր մը իմ կարգս ալ կու գայ ոչ թէ մեծարուելու այլ ճանչցուելու Հայ Դատին կողմէ որուն առանյձնակի զինուորն եմ, միայնակ պայքարելով եւ մեր դատը ամերիկացիներուն ծանջթացնելով:
    Հոս տեղին է յիշատակել այն նամակը զոր ստացած եմ Եու Սի Րիվըէրսայտի հրէական պատմութեան դասախօսէն. «Շատ հոյակապ գիրք մը գրած էք ուր մեր ուսանողները ահագին պաշար պիտի գտնեն Ցեղասպանութեան մասին»: Իսկ Էտէմ Շիֆ, Ներկայացուցիչներու Տան Գալիֆորնիոյ անդամը գրած է. «Մարտիկ Մատէնճեանի գիրքը աղբիւր է Ցեղասպանութիւնը ուսոմնասիրող գիտնականներուն համար»:
    Եաիր Ավրոն, Թանեէ Աքչամ եւ Ումիթ Քիւրդ ունին գիրքերէս ուղարկուած իրենց փափաքին համաձայն:
    Յիշեցնեմ նաեւ որ Գերմանիոյ նախկին նախագահ՝ Կաուքէն ալ ստացած եմ երկար նամակ մը ուր ան կ’ընդունի Գերմանիոյ մեղսակցութիւնը հայկական ցեղասպանութեան մէջ:
    Բարեւ հասկցողին:

*

Top