Հայաստանը «Հերիթեճ» Հիմնադրամի Կողմէ Կը Նկատուի Տնտեսապէս Չափաւոր Ազատ Երկիր

ԵՐԵՒԱՆ, «Ամերիկայի Ձայն».- «Հերիթեճ» (Heritage) հիմնարկի «Տնտեսական ազատութիւններ» զեկոյցին համաձայն՝ Հայաստանը 2018ին չափաւոր ազատ երկիր ճանչցուած է:

44րդ տեղը գրաւած Հայաստան յառաջ անցած է Լեհաստանէն, Պելճիքայէն եւ Հունգարիայէն՝ զիջելով զարգացած Արեւմտեան երկիրներուն:

Ըստ հիմնարկի վերլուծաբան Թորի Ուայթինկի՝ զեկոյցը պատրաստողները նկատի առած են օրէնքի գերակայութիւնը, կառավարութեան կողմէ իրականացուող տնտեսութեան կարգաւորման աստիճանն ու շուկայի ազատութիւնը:

«Հայաստանը ունի նոյն հարցերը, որոնք բնորոշ են Արեւելեան Եւրոպայի բազմաթիւ երկրներու համար, երբ հարցը կը վերաբերի կառուցուածքային բարեփոխումներու եւ օրէնքի գերակայութեան: Այդ օրէնքի գերակայութեան եւ դատական անկախութեան անբաւարար մակարդակն է այն կարեւոր բաժանարար սահմանը, որ կը տարբերէ իրական զարգացած երկրները զարգացողներէն», կ՛ըսէ Ուայթինկ:

Նախկին խորհրդային երկիրներէն ցուցակի առաջատարներն են մերձպալթեան պետութիւնները եւ Վրաստանը: Անոնց կը հետեւին Հայաստանը, Ղազախստանը եւ Ատրպէյճանը, որոնք յայտնուած են տնտեսապէս չափաւոր ազատ պետութիւններու ցուցակին մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top