Հայաստանի Գրողներու Միութիւնը Մրցանակներ Կը Յանձնէ Գրողներու

0209writers

0209writers

ԵՐԵՒԱՆ.- Երեքշաբթի, 6 Փետրուարին, Հայաստանի գրողներու միութեան (ՀԳՄ) շէնքին մէջ տեղի ունեցաւ ՀԳՄ ամէնամեայ եւ «Հրանդ եւ Մանուշակ Սիմոնեաններ» հիմնադրամի կողմէ սահմանուած մրցանակներու յանձնման հանդիսաւոր արարողութիւնը:

ՀԳՄի ամէնամեայ մրցանակաբախշութեան անուանակարգերը մեր մեծ գրողներու անունները կը կրեն: Յովհաննէս Թումանեանի անուան մրցանակը յանձնուեցաւ գրականութեան մէջ մեծ վաստակ ունեցող գրող Նորայր Ադալեանին:

Դերենիկ Դէմիրճեանի անուան մրցանակին արժանացաւ Ռոլանտ Շառոյեան: Աւետիք Իսահակեանի անուան մրցանակը բանաստեղծութեան անուանակարգին մէջ ստացաւ Սամուէլ Կոսեան: Միքայէլ Նալբանդեանի անուան մրցանակը հրապարակախօսութեան բնագաւառին մէջ յանձնուեցաւ Տիգրան Նիկողոսեանին եւ Գրիգոր Ջանիկեանին: Նիկոլ Աղբալեանի անուան մրցանակը գրականագիտութեան ասպարէզին մէջ ստացաւ ԵՊՀ բանասիրական բաժինի Հայ գրականութեան ամպիոնի վարիչ Սամուէլ Մուրադեան՝ Յովհաննէս Շիրազին նուիրուած մենագրութեան համար: Մրցանակներու արժանացան նաեւ արձակագիրներ Ալիս Յովհաննիսեան, Դիանա Համբարձումեան, Արեւշատ Աւագեան, Սուրէն Մուրադեան, Թորոս Թորանեան եւ այլք:

Այս տարի հաստատուած նոր՝ Յովհաննէս Խան-Մասեհեանի անուան մրցանակը թարգմանութեան ասպարէզին մէջ ստացաւ Արամ Արսէնեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top