Ղարաբաղեան Շարժման 30ամեակի Պետական Յանձնաժողովը Աւարտեց Նախապատրաստական Աշխատանքները

0207pakoartsakh30

0207pakoartsakh30ՍՏԵՓԱՆԱԿԵՐՏ.- Երեքշաբթի, 6 Փետրուարին, Արցախի Հանրապետութեան Ազգային ժողովի շէնքին մէջ տեղի  ունեցաւ արցախահայութեան ազգային-ազատագրական պայքարի՝ Ղարաբաղեան շարժման 30րդ տարեդարձի տօնակատարութեան կազմակերպման եւ համակարգման պետական յանձնաժողովի հերթական նիստը, զոր կը վարէր Ազգային ժողովի նախագահ Աշոտ Ղուլեան:

Նիստին ընթացքին Ղուլեան ամփոփեց միջոցառումներուճ նախապատրաստման եւ համակարգման ուղղութեամբ կատարուած աշխատանքները:

Յանձնաժողովի անդամներուն ներկայացուեցաւ Փետրուար 10-20 միջոցառումներու ծրագիրը:

Աշոտ Ղուլեան յայտնեց, որ միջոցառումները պիտի սկսին Մարտունի եւ Հադրութ քաղաքներուն մէջ, ապա պիտի շարունակուին հանրապետութեան միւս կեդրոններուն մէջ: Գլխաւոր ձեռնարկը տեղի պիտի ունենայ 13 Փետրուարին, Ստեփանակերտի մէջ: Այդ օրը, համաձայն իրադարձութիւններու ժամանակացոյցին, մայրաքաղաքին մէջ շարժման առաջին հանրահաւաքին օրը միջոցառումները պիտի սկսին Արցախի պետական համալսարանէն: Կը նախատեսուի քայլերթ՝ դէպի Վերածնունդի հրապարակ, ուր տեղի պիտի ունենայ հանրահաւաք:

Յաջորդ կարեւոր միջոցառումները տեղի պիտի ունենան Փետրուար 19ին եւ 20ին՝ Արցախի վերածնունդի օրը: Յարգանքի տուրք պիտի մատուցուի հանրապետութեան ամբողջ տարածքին, արցախեան ազատագրական շարժման զոհուած եւ մահացած գործիչներու յիշատակին, իսկ Փետրուար 20ին տեղի պիտի ունենայ պաշտօնական ընդունելութիւն եւ տօնական համերգ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top