Պէտք Է Հասկնանք Ժողովուրդին Տեսակէտը. Ռոհանի

0209Rouhani

0209Rouhani

ԹԵՀՐԱՆ, «ՌԻԱ Նովոսթի».- Իրանի նախագահ Հասան Ռոհանի, մեկնաբանելով իր երկրին մէջ վերջերս տեղի ունեցած բողոքի ցոյցերը՝ յայտարարած է, թէ իշխանութիւնները պէտք է հանդուրժեն քննադատութիւնը եւ հասկնան ժողովուրդին տեսակէտը:

«Մարդիկ կը քննադատեն տնտեսութիւնը, կը բողոքեն անոր դէմ, եւ ատիկա ճի՛շդ է, սակայն անոնց բողոքները չեն սահմանափակուիր տնտեսութեամբ. անոնք ընկերային եւ քաղաքական հարցեր կ՛արծարծեն, ինչպէս նաեւ՝ միջազգային յարաբերութիւններ: Մենք պէտք է հանդուրժենք այդ քննադատութիւնը եւ հասկնանք, թէ մարդիկ ի՛նչ կ՛ուզեն», ըսած է Ռոհանի:

«Բարեբախտաբար, այսօր երկրին բոլոր պաշտօնատարները կ՛ընդունին ցոյցերու գաղափարը, եւ ես շատ ուրախ եմ, որ բոլորը կ՛ըսեն, թէ ժողովուրդին ձայնը պէտք է լսելի ըլլայ», աւելցուցած է ան:

Յիշեցնենք, որ Դեկտեմբերի վերջաւորութեան, Իրանի շարք մը քաղաքներու մէջ տեղի ունեցած էին զանգուածային ցոյցեր, որոնց ընթացքին մօտաւորապէս 25 հոգի սպաննուած էր, իսկ 400 ուրիշներ՝ ձերբակալուած:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top