Հնդկաստանի Քաղաքներէն Մէկուն ՄԷջ Ապրող Վեց Հայերու Համար Ամէն Կիրակի Կը Հնչեն Եկեղեցւոյ Զանգերը

0000HNTGASDAN

0000HNTGASDAN

Պատրաստեց՝ ԳՈՀԱՐ ՅԱԿՈԲԵԱՆ

 

Հնդկաստանի մէջ գործող «Տը Նիուզ Մինիթ» (TheNewsMinut) կայքը անդրադարձած է երկրի հարաւային մասը գտնուող Չեննայի քաղաքին, ուր կ՛ապրին միայն 6 հայեր, որոնցմէ չորսը՝ իրենց ընտանիքներով:

Ըստ լրատուամիջոցին՝ տեղւոյն հայերը կը փափաքին վերականգնել համայնքը՝ համախմբուելով հայկական եկեղեցւոյ շուրջ, որուն զանգերը կրկին սկսած են հնչել:

«Տը Նիուզ Մինիթ»ը կը գրէ, որ հայերը աւանդաբար հարուստ առեւտրականներ եղած են եւ արտօնութիւններ ունեցած Հնդկաստանի մէջ, եւ այս բոլորին հետքը տակաւին կը պահպանուի Մատրասի, Կալկաթայի եւ Պոմպէյի մէջ, նաեւ հայերու փառահեղ անցեալին մասին կը յուշեն Չեննայի հայկական եկեղեցին ու հայկական փողոցը:

Չեննայիի վերջին հայը՝ Մայքըլ Ստեֆան, 2004ին տեղափոխուած է Պենկալոր, ուր կ՛աշխատի իբրեւ հաստատութիւններու կառավարման աւագ տնօրէն: Ան կ՛ըսէ, որ ի տարբերութիւն Կալկաթայի՝ Պենկալորի մէջ հայկական եկեղեցի չկայ, ուրեմն, ստիպուած կ՛այցելէին կաթոլիկ եկեղեցիներ:

Նշենք, որ Ս. Աստուածածին եկեղեցին կառուցուած է 1712ին, ապա աւերուած ու կրկին վերականգնած է 1772ին:

Վերոնշեալ վեց հայերէն մէկը Չեննայի փոխադրուած Աշխէնն է, որ ռուսերէն կը դասաւանդէ, Մատրասի հայկական եկեղեցին կը համարէ փոքրիկ Հայաստան: Աշխէնին Հնդկաստան բերած է սէրը:

0000HNTGASDAN1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top