ՌուբԷն Վարդանեան Եւ Գագիկ Ադիբեկեան Որոշած Են Իրենց Մէջ Բաժնել Համատեղ Առեւտրական Ընկերութիւնը

0000RUBEN

0000RUBEN

«Թրոյքա Տայալոկ» ներդրումային ընկերութեան նախկին սեփականատէր Ռուբէն Վարդանեան եւ անոր գործընկերը՝ RD Group ընկերութեան հիմնադիր Գագիկ Ադիբեկեան, որոշած են իրենց մէջ բաժանել համատեղ առեւտրական ընկերութիւնը, կը տեղեկացնէ «Վետոմոսթ»ը՝ վկայակոչելով գործարարները շրջապատող աղբիւրները եւ անոնց հետ աշխատած խորհրդատուները:

Վարդանեան եւ Ադիբեկեան Avica Management Company ընկերութեան կողմէ կառավարուող ֆոնտերու համաներդրողներն են: Ընկերութեան բաժնետոմսերու ընդհանուր արժէքը կը կազմէ առաւել քան 1 միլիառ տոլար: Նշեալ ընկերութեան մաս կը կազմեն Կուտուզով պողոտային վրայ գտնուող «Վրեմենա Կոտայ» առեւտուրի կեդրոնը, «Տրիմ Հաուս» առեւտուրի կեդրոնը՝ Ռուպլեովկայի մէջ, Մոսկուայի կեդրոնը գտնուող «Ռոմանով Տվոր« գործարար թաղամասը, մասնաբաժինը «Վոզտվիժենկա» բիզնես կենդրոնը եւ այլն։

Ըստ «Վետոմոս»չի՝ բանակցութիւններու երկու կողմերուն մօտիկ աղբիւրներ կը տեղեկացնեն, թէ գործընկերներուն միջեւ գոյքի բաժանումը տակաւին չէ աւարտած, սակայն այս փուլին, կ՛ենթադրուի, որ Ադիբեկեանի RD Group-ը պիտի ստանայ Avica-ի ֆոնտերուն բոլոր առեւտրական կալուածները: Բացի «Տրիմ Հաուս» եւ «Վրեմենա Կոտա» առեւտուրի կեդրոններէն, անոնք կը նշեն  նաեւ «Օպի Պորովսկոյէ» (Մոսկուա) եւ «Օպի Պորովսկոյէ» (Ս. Պետերբուրգ) գեր-սուփըրմարքեթները: Ըստ «Վետոմոսթ»ի՝ Վարդանեանին կը փոխանցուի «Ռոմանով Տուոր»ը եւ «Վոզտվիժենկա» պիզնես կեդրոնի մասնաբաժինը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top