Հայ Իրաւաբանական Միութիւնը Մտահոգ Է Հայաստանի Իրաւաբաններու Վիճակով

0000ABA armenia

0000ABA armenia

ԼՈՍ ԱՆՃԵԼԸՍ.- Հայ Իրաւաբանական միութեան Հայկական իրաւանց դէտ յանձնախումբը Հայաստանի արդարադատութեան նախարարութեան եւ անոր Ջատագովներու մարմինին հասցէագրուած բաց նամակ մը հրապարակած է՝ իր մտահոգութիւնները արտայայտելով Հայաստանի արդարադատութեան համակարգի անկախութեան սպառնացող վտանգի մը նկատմամբ։

Նամակին մէջ կը նշուի, որ Հայաստանի մէջ իրաւաբաններու դէմ պատժամիջոցներ սահմանելու իրաւասութիւնը դատարաններուն յանձնելու նոր օրէնքի առաջարկը կրնայ նեղ կացութեան մատնել յատկապէս պաշտպան փաստաբանները, ոչ միայն նիւթական տուգանքներ սահմանելով, այլ նոյնիսկ դատավարութեան մը կիսուն նման պատժամիջոցներ պարտադրելով, ինչ որ վնաս կը հասցնէ նաեւ ամբաստանելաներուն։

Նամակին մէջ կը շեշտուի, որ օրէնքներու խախտումի պարագային, իրաւաբաններ պատժելու իրաւունքը պէտք է վերապահուի ոչ թէ դատաւորին, այլեւ աւելի անկախ՝ Ջատագովներու մարմինին, որ նման որոշումներ պէտք է կայացնէ միայն տուեալ դատավարութեան աւարտէն ետք, որպէսզի աւելի լաւ կերպով պաշտպանուին ամբաստանեալին եւ պաշտպան փաստաբանին իրաւունքները։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top