Արծրուն Յովհաննիսեան Կը Հերքէ Հայկական Ուժերու Ատրպէյճան Թափանցելու Լուրերը

0213ardzroun

0213ardzrounԵՐԵՒԱՆ.- Հայաստանի Հանրապետութեան պաշտպանութեան նախարարութեան մամլոյ խօսնակ Արծրուն Յովհաննիսեան կը հերքէ ատրպէյճանական լրատուամիջոցներու տարածած այն տեղեկութիւնը՝ ըստ որուն հայկական զինուած ուժերուն կողմէ Ղազախի հատուածին հայ-ատրպէյճանական սահմանը անցնելու, յարձակողական ներթափանցումի փորձ մը կատարուած է:

«Միայն Ատրպէյճանցիներու պատկերացումով հայ յարձակողները ճերմակ թիւերով «Ուազ»ով յարձակումի կը դիմեն: Իսկ մեքենան ինչո՞ւ ետեւի կողմէն նկարուած է, կամ եթէ նկատած էին մեքենան, ուրեմն յարձակողները ո՞ւր էին», գրած է Արծրուն Յովհաննիսեան դիմատետրի իր էջին վրայ:

Ատրպէյճանական «Էյ.Փի.Էյ.» (APA) լրատուական գործակալութիւնը հրապարակած է վնասուած «Ուազ»ի մասին տեսանիւթ մը, որուն մէջ ակնյայտօրէն կ՛երեւի, որ «Ուազ»ը ո՛չ թէ Հայաստանի պաշտպանութեան նախարարութեան սեւ թուանիշով է, այլ ունի ճերմակ թուանիշ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top