Թիլըրսընի Թուրքիա Այցելութեան Սեմին՝ ՄըքՄեսթըր Կը Խորհրդակցի Թուրքիոյ Նախագահի Բանբերին Հետ

0213Mcmaster

 

0213McmasterՊՈԼԻՍ.- Հիւսիսային Սուրիոյ մէջ Միացեալ Նահանգներու դաշնակից քիւրտերուն գծով հետզհետէ սրող Թուրքիա-Ամերիկա լարուածութիւնը մեղմացնելու նպատակով, Թուրքիոյ նախագահի բանբեր Իպրահիմ Քալըն Կիրակի, Փետրուար 11ին Պոլսոյ մէջ հանդիպում մը ունեցաւ Միացեալ Նահանգներու նախագահի ազգային ապահովութեան հարցերով խորհրդատու Հըրպըրթ ՄըքՄեսթըրի հետ:

Թրքական «Հիւրրիյէթ Տէյլի Նիուզ» թերթը կը հաղորդէ, որ Թուրքիոյ նախագահական պալատը հաղորդագրութիւն մը հրապարակելով՝ յայտնեց, թէ երկու պաշտօնատարները քննարկած են թուրք-ամերիկեան երկարատեւ ռազմավարական գործընկերութիւնը, ինչպէս նաեւ երկու երկիրներու առաջնահերթութիւններն ու մտահոգութիւնները:

Հանդիպումին ընթացքին քննարկուած են նաեւ ռազմավարական հասարակաց մարտահրաւէրներու եւ շրջանային զարգացումներու վերաբերեալ երկու դաշնակիցներուն յարաբերութիւնները:

«Այս շրջագիծին մէջ, մանրամասնօրէն քննարկուած են երկկողմանի յարաբերութիւններուն վրայ ժխտական ազդեցութիւն ունեցող հարցերը եւ ամէն տեսակի ահաբեկչութեան դէմ  քայլեր որդեգրելու կարելիութիւնները», նշուած է հաղորդագրութեան մէջ:

Նշենք, որ այս շաբաթ կը նախատեսուի Միացեալ Նահանգներու արտաքին գործոց նախարար Ռեքս Թիլըրսընի Թուրքիա այցելութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top