Քրտական Ուժերը Աֆրինի Մէջ Վար Առին Թրքական Ուղղաթիռ Մը

0213trk copter

0213trk copter

ԱՆԳԱՐԱ, «Ռոյթըրզ».- Քրտական Ժողովուրդի պաշտպանութեան ջոկատները Շաբաթ, Փետրուար 10ին, Սուրիոյ հիւսիսային Աֆրին քաղաքի Ռաժօ շրջանին մէջ վար առին թրքական բանակին պատկանող «Թի. 129» տիպի ռազմական ուղղաթիռ մը: Թուրքիոյ վարչապետ Պինալի Եըլտըրըմ յայտարարեց, որ ուղղաթիռին վար առնուելուն պատճառով սպաննուած են երկու թուրք զինուորներ:

Թուրքիոյ նախագահ Ռեչեփ Թայիփ Էրտողան իր կարգին յայտնեց, որ թրքական բանակի «Ձիթենիի ճիւղ» գործողութեան ընթացքին, Աֆրինի շրջանին մէջ վար առնուած է թրքական բանակի ուղղաթիռ մը: Ան Պոլսոյ մէջ Արդարութիւն եւ բարգաւաճում կուսակցութեան մասնաճիւղի ժողովին ընթացքին սպառնաց խիստ կերպով հակադարձել ուղղաթիռը վար առնելու պատասխանատուներուն՝ նշելով, որ անոնք շատ սուղ գին պիտի վճարեն:

Թուրքիոյ զինեալ ուժերու գլխաւոր հրամանատարութիւնը հաղորդագրութիւն մը հրապարակելով՝ յայտնեց, որ Շաբաթ օր, Աֆրինի մէջ, մէկ օրուան ընթացքին սպաննուած թուրք զինուորներուն թիւը հասած է 11ի: Փետրուար 12ին, հրամանատարութիւնը հաղորդեց, որ Թուրքիոյ զինուորական ուժերը Աֆրինի մէջ ցարդ սպաննած են 1369 քիւրտ զինեալներ, իսկ թրքական բանակը տուած է 31 զոհ եւ ունի 143 վիրաւոր:

Իր կարգին, Աֆրինի ինքնակառավարման մարմինի գործադիր խորհուրդը յայտարարած է, թէ Աֆրինի դէմ թրքական գործողութեան սկիզբէն ի վեր սպաննուած են 160 քաղաքայիններ, որոնցմէ 43ը՝ մանուկներ: Վիրաւորներուն թիւը հասած է 395ի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top