Ամերիկայի Հետախուզութեան Պատասխանատուն Արցախի Շուրջ Լարուածութիւնը Լայնածաւալ Ռազմական Հակամարտութեան Վերածուելու Վտանգ Կը Տեսնէ

ՈՒԱՇԻՆԿԹԸՆ.- Արցախի շուրջ լարուածութիւնը կրնայ Հայաստանի եւ Ատրպէյճանի միջեւ լայնածաւալ ռազմական հակամարտութեան վերածուիլ, որ կրնայ ներգրաւել Ռուսիան՝  իր տարածաշրջանային դաշնակիցին աջակցելու համար: Այս մասին գրուած է Միացեալ Նահանգներու Ազգային հետախուզութեան տնօրէն Տենիըլ Քոթցի հրապարակած «Սպառնալիքներու համաշխարհային գնահատականը» զեկոյցին մէջ:

Փաստաթուղթը կը ներկայացնէ 2018ին Միացեալ նահանգներու Ազգային անվտանգութեան սպառնալիքներու գնահատականը:

Մասնաւորապէս Արցախին նուիրուած հատուածին մէջ կը նշուի. «Երկու կողմերու փոխզիջման երթալու ցանկութեան բացակայութիւնը, այլ կողմերէ եկած ճնշումներու աճը, Ատրպէյճանի կայուն ռազմական արդիականացումը եւ 2018ին Հայաստանի կողմէ նոր ռուսական զէնքի ձեռքբերումը կրնան լայնածաւալ ռազմական գործողութիւններու յանգեցնել»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top