Երեւանի Աւագանիի Այս Տարուան Առաջին Նիստին «Երկիր Ծիրանի»ի Կին Պատգամաւորները Ծեծի Կ՛ենթարկուին

0214avakani

0214avakani

ԵՐԵՒԱՆ.- Երեւանի աւագանիի այս տարուան առաջին նիստի հանդիսաւոր մեկնարկը շուտով վերածուեցաւ ծեծկռտուքի:

«Երկիր Ծիրանի» կուսակցութեան անդամները փորձեցին քաղաքապետին մատուցել Նուբարաշէնի բնակիչներու նուէրը՝ գարշահոտ կոյուղաջուր պարունակող ապակեայ սրուակներ: Աւագանիի անդամ ընդդիմադիր երեք կիներ նախ հագան բժշկական ձեռնոցներ, դրին բժշկական դիմակներ եւ բացին իրենց հետ քաղաքապետարան բերուած ապակեայ սրուակներ, որոնցմէ բուրող տհաճ հոտը արագ տարածուեցաւ նիստերու դահլիճին մէջ: «Ելք»ի անդամները հերթով սկսան լքելու տարածքը, իսկ «Երկիր Ծիրանի»ի երկու կին նդամներ՝ Սոնա Աղեկեան եւ Մարինա Խաչատրեան կեղտաջրով լեցուած սրուակները իրենց ձեռքին՝ փորձեցին մօտենալ քաղաքապետին: Տարօն Մարգարեան, տեսնելով այդ, հրահանգեց իր աշխատակիցներուն՝ փակել անոնց ճամբան:

Աւագանիի հանրապետական անդամները եւ քաղաքապետարանի լրատուութեան հետ կապերու վարչութեան պետ Արթուր Գէորգեան յառաջ նետուելով՝ անմիջապէս կանխեցին ընդդիմադիր կիներուն փորձը, որ վերածուեցաւ քաշկռտուքի:

Կիրքերը թէժացան այն պահուն, երբ «Երկիր Ծիրանի»էն Մարինա Խաչատրեան ապտակեց զինք քաշկռտող աւագանիի հանրապետական անդամ Էդմոնդ Կիրակոսեանը, որ փոխադարձաբար ապտակեց Խաչատրեանը, իսկ հանրապետական Վասպուրակ Մարտիրոսեան սկսաւ քաշելու Խաչատրեանի մազերը:

Հանրապետականի տղամարդ անդամները բռնի ուժով փորձեցին նիստերու դահլիճէն հեռացնել աւագանիի ընդդիմադիր կին անդամները: Դերասան, քարաթէի վարպետ Գոռ Վարդանեան գրկեց Մարինա Խաչատրեանը եւ տարաւ միջանցք:

0214avakani1

Ծեծող «հերոս»ները

Քաղաքապետարան ժամանեցին նաեւ ոստիկանութեան աշխատակիցներ:

Ընդմիջումէն ետք «Երկիր Ծիրանի» խմբակցութեան կին անդամները բողոք ներկայացուցին յանցագործութեան մասին:

Տարօն Մարգարեան, անդրադառնալով դէպքին՝ յայտարարեց, որ «Մենք էլ ենք դատապարտում ուժի կիրառումը, եւ այստեղ ոչ մէկ ուժ չի կիրառում մէկը միւսի նկատմամբ»:

Ընդդիմադիր կուսակցութիւնը, չսպասելով նիստի աւարտին, լքեց դահլիճը:

Նշենք, որ Նուբարաշենի բնակիչներու խումբ մը «Թեր»չի թղթակիցին յայտնած էր, որ «Մենք բնակիչներով կազմակերպել ենք, ասել ենք՝ էս կոյուղաջուրը տարէք, տուէք Տարօն Մարգարեանին, որ տեսնի՝ մարդիկ ինչ են շնչում:

«Մեր շատ սիրելի Գոռ Վարդանեանը 5 րոպէ այդ կեղտաջրերի հոտը շնչելուց յետոյ ասում է՝ սիրտներս խառնեց: Բա մեր սիրտը չի՞ խառնում, 3-4 տարի է՝ շնչում ենք էս հոտը», նշեց Նուբարաշէնի բնակիչներէն մէկը:

Նոյն բնակիչները նախօրէին փակած էին Նուբարաշէ բանտ տանող ճանապարհը՝ բողոքելով բանտի կոյուղատարէն տարածուած գարշահոտութեան դէմ:

«Այլ տարբերակ չէր մնում, այս կեղտաջրերը քաղաքապետարան տանելով՝ պէտք է բարձրաձայնէինք խնդիրը», ըսաւ բնակիչներէն մէկը:

0214yerevandemo

Քաղաքապետարանի մուտքին ոստիկանութիւնը կ՛արգիլէ ցուցարարներու խուժումը նիստերու դահլիճ

0214yerevandemo1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Jabourian said:

    Quoique que puisse être un sujet à dénouer, la violence n’en n’a jamais été la clef.
    J’ai honte de l’hatitude de mes coreligionnaires hommes pourtant habillés en hommes civilisés ( costumes & cravates ) ayant des fonctions de responsables ne pas être en capacité d’entendre avec courtoisie les doléances de ces femmes afin d’entretenir un climat plus serein.
    Les femmes sont la moitié de l’humanité,et leur mise à l’écart par les matchos intolérants filmés affaibli de plus de la 50%, l’efficacite’ D’une politique de gestion.
    Beaucoup de lâcheté dans l’attitude de ces #hommes » qui m’inspirent que du mépris face à leurs personnalités
    Ridicules.
    Ces hommes n’honorent pas les arméniens d’ Arménie et ne sont pas ceux de diaspora, je reste indulgent sachant qu’ils ont vécus Plusieurs générations de sovietisme.La route restera longue avant Que de s’éloigner de ces vieux démons.
    Jabourian

*

Top