Իսրայէլ Կրնայ Ատրպէյճանը Սպառազինել «Իսքանտէր Մ.»ը Չէզոքացնող Հրթիռներով

IskanderMissile

IskanderMissile

Ըստ իսրայէլեան «Հաարեց» եւ «Ետիոթ Ահրոնոթ» թերթերուն՝ Ատրպէյճան խիստ մտահոգ է, որ հայկական ուժերը օժտուած են «Իսքանտէր Մ.» տիպի հրթիռներով: Այս վերջինները, որոնք հակահրթիռային որեւէ համակարգէ խուսափելու յատկութիւնը ունին, Ռուսիոյ կողմէ 2016ին մատակարարուած էին Հայաստանին, որ բացի Ռուսիայէն՝ այդ բացառիկ հրթիռներուն տէր միակ երկիրը դարձաւ: Ցամաքէ ցամաք այս հրթիռները, որոնք շուրջ 500 քմ. հասողութիւն ունին, ատրպէյճանական մեծ քաղաքները խոցելի կը դարձնեն հայկական բանակի հարուածներուն պարագային:

Ըստ «Հաարէց»ի՝ վերջին տարիներուն ծանրօրէն սպառազինուած Ատրպէյճան չունի համազօր հրթիռներ եւ վճռած է իր զինուած ուժերը անոնցմով օժտել, ի գին ամէն ինչի: Թէեւ Իսրայէլ չունի Պաքուի փափաքած այդ հրթիռներէն, որովհետեւ իր ունեցածները ունին մինչեւ 150 քմ. հասողութիւն, սակայն կը նախատեսէ անոնց հասողութիւնը բարելաւել եւ այդ նպատակին համար ալ որոշած է ներդրել մինչեւ 2 միլիառ տոլար: «Հաարէց» նաեւ կը գրէ, թէ մինչեւ բարելաւուած հասողութեամբ հրթիռներու արտադրութիւնը, հաւանական է, որ Իսրայէլ բարելաւումներ կատարէ Ատրպայճանին արդէն վաճառած հրթիռներուն վրայ, բարձրացնելու համար անոնց հասողական կարողութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top