Սպիտակ Տունը 2019ի Համար Միայն 3.24 Միլիոն Տոլարի Տնտեսական Նպաստ Կ՛առաջարկէ Հայաստանին

0214arm-us

0214arm-us

ԵՐԵՒԱՆ, «Թերթ».- Փետրուար 12ին, Միացեալ Նահանգներու նախագահ Տանըլտ Թրամփի վարչակազմը հրապարակած է պետական յաջորդ ամավարկի առաջարկը, որ զգալի կրճատումներ կը նախատեսէ միջազգային օգնութեանց մարզին մէջ։

«Ուաշինկթըն Փոսթ» կը գրէ, թէ առաջարկուած կրճատումներուն մեծ մասը շատ հաւանաբար չիրականայ, ինչպէս պատահեցաւ անցեալ տարի, երբ Քոնկրեսը մերժեց նման փորձ մը։

Սպիտակ տան կողմէ առաջարկուած է 2018ին Հայաստանին տրամադրել 4 միլիոն տոլարի տնտեսական աջակցութիւն, իսկ 2019ին՝ միայն 3.24 միլիոն տոլարի: Վրաստանի համար 2018ին 28 միլիոն տոլարի տնտեսական օգնութիւն առաջարկուած է, իսկ 2019ին՝ 25 միլիոն տոլարի: Նաեւ, Ատրպէյճանին ոչ մէկ տնտեսական աջակցութիւն առաջադրուած է 2018ին, իսկ 2019ին՝ 3 միլիոն տոլարի օգնութիւն։

Հայաստանի ռազմական վերապատրաստութեան համար առաջադրուած գումարը՝ 2018ին եւ 2019ին, տարեկան 600,000 տոլար է: Նոյնքան գումար առաջարկուած է Ատրպէյճանին համար, իսկ Վրաստանի համար՝ տարեկան 2.2 միլիոն տոլարի ռազմական օգնութիւն:

Նաեւ, հակառակ անոր որ 2017ին ռազմական 1 միլիոն տոլարի օգնութիւն տրամադրուած էր Հայաստանին, 2018ի եւ 2019ի համար ոչինչ առաջարկուած է այդ առնչութեամբ։ Նոյնն է պարագան Ատրպէյճանի եւ Վրաստանի։

Թմրանիւթերու միջազգային վերահսկողութեան ոլորտին մէջ, 2018ին եւ 2019ին կը նախատեսուի 1.5 միլիոնական տոլար յատկացնել Հայաստանին, իսկ Վրաստանին՝ 3 միլիոն տոլար: Ատրպէյճանը այս ցանկին վրայ նկատի չէ առնուած:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top