Իրան-Հայաստան Երրորդ Ելեկտրահաղորդման Գիծը Մօտիկ Ապագային Շահագործման Պիտի Յանձնուի

0213electricity

 

0213electricity

Իրան-Հայաստան երրորդ ելեկտրահաղորդման գիծը մօտ ապագային շահագործման պիտի յանձնուի: Երեւանի պետական համալսարանին մէջ լրագրողներու հետ իր ունեցած ճեպազրոյցին ընթացքին այս մասին յայտնեց Հայաստանի մօտ Իրանի Իսլամական Հանրապետութեան արտակարգ եւ լիազօր դեսպան Սէյետ Քազեմ Սաճատի:

Պայմանաւորուածութեան համաձայն, Իրան արտածուելիք ելեկտրականութեան դիմաց Հայաստան կազ պիտի ստանայ:

Դեսպանը նշեց նաեւ, որ  Իրան պատրաստ է յարմար գիներով կազ վաճառելու Հայաստանի Հանրապետութեան: «Մենք այս հարցը կը քննարկենք, եւ ես կը յուսամ, որ այս հարցով յառաջընթացը շուտով կը տեսնէք: Եթէ Հայաստանը ուժանիւթի ոլորտին մէջ քիչ մը աշխուժանայ, կը կարծեմ, որ շատ մեծ քայլեր պիտի ձեռնարկուին, եւ ատիկա պիտի նպաստէ, որ Հայաստանի մէջ աշխատատեղեր ստեղծուին», ըսաւ Սաճատի:

Իրան–Հայաստան 400 ք.ուաթ երրորդ ելեկտրահաղորդման գիծի եւ «Նորաւան» ենթակայանի կառուցումը հնարաւորութիւն պիտի տայ երկու երկիրներու ելեկտրահամակարգերուն միջեւ ելեկտրականութեան փոխանակման հզօրութիւնը 350 մ.ուաթէն հասցնել մինչեւ 1000 մ.ուաթի եւ պիտի բարձրացնէ Հայաստանի ուժանիւթի համակարգի հարաւային եւ կեդրոնական հատուածներու կապի յուսալիութիւնը, երկու երկիրներու ուժանիւթի համակարգերու զուգահեռ աշխատանքի յուսալիութիւնը եւ Հայաստանի ուժանիւթի անվտանգութեան մակարդակը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top