Ցեղասպանութեան Մասին «Քանդելու Մտադրութիւն» Ֆիլմի Տարածման Նպաստելու Կոչ

0000Intent to Destroy

0000Intent to Destroy

ԼՈՍ ԱՆՃԵԼԸՍ.- Հայոց Ցեղասպանութեան մասին բեմադրիչ Ճօ Պերլինկըրի պատրաստած վաւերագրական նոր ֆիլմը՝ «Intent to Destroy: Death, Denial & Depiction» («Քանդելու Մտադրութիւն. Մահ, Ուրացում Եւ Ներկայացում») խորագիրով, համաձայնութիւն գոյացուցած է «Theatrical On Demand» ծրագիրին հետ, որ առիթ կ՛ընծայէ ֆիլմը միայն մէկ գիշերուան համար ցուցադրելու՝ շարք մը քաղաքներու մէջ։

Անցեալ տարի հրապարակ իջած այս ֆիլմը ցարդ ցուցադրուած է Նիւ Եորքի, Լոս Անճելըսի, Պոսթընի եւ Սան Ֆրանսիսքոյի շարժապատկերի սրահներու մէջ։ Ֆիլմը ծնունդ առած է «Խոստումը» շարժապատկերի արտադրութեան օրերուն, երբ Պերլինկըր ոչ միայն վաւերագրած է ֆիլմը եւ անոր նիւթը, այլեւ Հայոց Ցեղասպանութեան մասին զրոյցներ ունեցած է շարք մը մտաւորականներու, պատմաբաններու եւ արուեստագէտներու հետ:

«Theatrical On Demand» ծրագիրին միջոցաւ ցուցադրութիւնները կրնան իրականանալ, եթէ նախօրօք նուազագոյն թիւով տոմսեր կարելի ըլլայ ծախել։ Նման ցուցադրութիւններ կազմակերպողները 5 շաբաթէն 4 ամիս ժամանակ ունին՝ նուազագոյն տոմսերու վաճառքը ապահովելու համար։

Յաւելեալ տեղեկութեանց համար, դիմել haigboyadjian@yahoo.com հասցէին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top