Ցեղասպանութեան Ուրացումը Դատապարտող Ցոյցեր՝ Համալսարաններու Մէջ

Untitled

Untitled

ԼՈՍ ԱՆՃԵԼԸՍ.- Հինգշաբթի, Փետրուար 8ին, հայ ուսանողական միութիւններու համախմբումը հանդիսացող Համահայկական ուսանողական միութիւնը (All-ASA) Հայոց Ցեղասպանութեան ուրացման բողոքի լուռ ցոյցեր իրականացուց Միացեալ Նահանգներու եւ Գանատայի շարք մը համալսարաններու մէջ՝ շարունակելով 2011ին սկսած այս աւանդութիւնը, որ տարիէ տարի աւելի մեծ թիւով ցուցարարներ կը ներգրաւէ։

«Ուրացման Արատ» ընդհանուր խորագիրին տակ կայացած այս բողոքի ցոյցերուն նպատակն է լուսարձակի տակ առնել Ցեղասպանութեան իրողութիւնը՝ միաժամանակ դատապարտելով Թուրքիոյ կողմէ առաջ մղուող ուրացման արշաւը եւ անոր մէջ Միացեալ Նահանգներու մեղսակցութիւնը:

Այս տարուան ցոյցերուն մասնակցած են հետեւեալ քոլեճներէ եւ համալսարաններէ ուսանողներ. Քալիֆորնիոյ համալսարանի Սան Տիէկոյի, Ռիվըրսայտի, Լոս Անճելըսի, Սանթա Պարպարայի եւ Ըրվայնի մասնաճիւղեր, Կլենտէյլի Համայնքային, Փասատինայի Քաղաքային, «Օքսիտենթըլ», Հարաւային Քալիֆորնիոյ, Փոմոնայի «Քալ Փոլի», Քալիֆորնիոյ Նահանգային համալսարանի Նորթրիճի մասնաճիւղ, «Ուուտպըրի» (Պըրպենք), Ուենուըրթի Արհեստագիտութեան հիմնարկ (Պոսթըն), «Էմանուէլ» (Պոսթըն), Պոսթընի, «Նորթիսթըրն» (Պոսթըն), «Թաֆց» (Մետֆըրտ, Մեսեչուսեց), «Սաֆոք» (Պոսթըն), «Եէյլ» (Նիւ Հէյվըն) եւ «Փրիսնթըն» (Նիւ Ճըրզի)։

Իսկ Գանատայի մէջ ցոյցեր տեղի ունեցան Մոնթրէալի եւ Օթաուայի համալսարաններուն ու «Քարլթըն» համալսարանին (Օթաուա) մէջ։

Ցոյցերուն մասնակցեցան նաեւ ՀԵԴի Արեւմտեան եւ Արեւելեան Ամերիկայի մարմիններուն, ՀՅԴ «Շանթ» Ուսանողական միութեան, ինչպէս նաեւ «Ալֆա Կամա Ալֆա» եւ «Ալֆա Էփսիլոն Օմեկա» ուսանողական ընկերակցութիւններու ներկայացուցիչները:

Ցոյցերուն զուգահեռ, համացանցային արշաւներ տեղի ունեցան ընկերային ցանցերու միջոցաւ՝ հետեւեալ հասցէներով. #StainOfDenial, #ArmenianGenocide եւ #DivestTurkey։

 

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top