Ամերիկահայութեան Թանգարանին Նուիրուած Յաջորդ Հանրային Հաւաքը՝ Մարտ 8ին

0222Armenian American Museum

0222Armenian American Museum

ԿԼԵՆՏԷՅԼ.- Ամերիկահայութեան թանգարանի վարչութեան կազմակերպած հանրային հաւաքներու շարքին յաջորդը տեղի պիտի ունենայ Հինգշաբթի, Մարտ 8ին, երեկոյեան ժամը 7էն սկսեալ, Կլենտէյլի Տարեցներու ժամանցի կեդրոնին մէջ (Adult Recreation Center, 201 East Colorado Street, Glendale, CA 91205):

Հաւաքը առիթ պիտի հանդիսանայ քննարկելու եւ աւելի մօտէն ծանօթանալու թանգարանի կառուցման ծրագիրին, ինչպէս նաեւ անոր մասին տեղեկութիւններ պիտի փոխանցուին հանրութեան:

Կլենտէյլի քաղաքամէջը կառուցուելիք Ամերիկահայութեան թանգարանի վարչութիւնը եւ Կլենտէյլի քաղաքապետութիւնը սոյն թանգարանի հողատարածքի վարձակալութեան շուրջ բանակցութեանց վերջին հանգրուանին մէջ են արդէն։ Ծրագիրը մաս կը կազմէ այդ տարածքին վրայ գտնուող զբօսավայրը բարեկարգելու եւ զարգացնելու նախաձեռնութեան։

Թանգարանին նպատակն է լուսարձակի տակ առնել հանդուրժողութեան, ինչպէս նաեւ Միացեալ Նահանգներու ցեղային եւ մշակութային տարբեր խմբաւորումներու համակեցութեան կարեւորութիւնը՝ ամերիկահայութեան փորձառութեան ընդմէջէն:

Ամերիկահայութեան թանգարանի վարչութեան մաս կը կազմեն շրջանի հայկական ինը կազմակերպութիւններ եւ հաստատութիւններ, որոնք են՝ Հիւսիսային Ամերիկայի Հայ Կաթողիկէ Առաջնորդարանը, Հայ Մշակութային Հիմնարկութիւնը, Հիւսիսային Ամերիկայի Հայ Աւետարանական Միութիւնը, Հայ Բարեգործական Ընդհանուր Միութեան Միացեալ Նահանգներու Արեւմտեան Շրջանը, Հայ Օգնութեան Միութեան Միացեալ Նահանգներու Արեւմտեան Շրջանը, «Նոր Օր» Բարեգործական Հիմնարկութիւնը, «Նոր Սերունդ» Մշակութային Միութիւնը, Հիւսիսային Ամերիկայի Հայց. Առաքելական Եկեղեցւոյ Արեւմտեան Թեմի Առաջնորդարանը եւ Ամերիկայի Միացեալ Նահանգներու Հայց. Առաքելական Եկեղեցւոյ Արեւմտեան Թեմի Առաջնորդարանը:

Յաւելեալ տեղեկութեանց համար, այցելել

www.ArmenianAmericanMuseum.org կայքը, կամ դիմել (844) 586-4626 թիւին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top