Նախագահը Կ՛այցելէ Օդային Ինքնակառավարուող Սարքերու Ուսումնահետազօտական Կեդրոն

0223robotics

0223robotics

ԵՐԵՒԱՆ, «Նիուզ».- Նախագահ Սերժ Սարգսեան, Հայաստանի ազգային ճարտարագիտական համալսարանի օդային «ռոբոտատեխնիկայի ուսումնահետազօտական կենտրոնի» գործունէութեան մեկնարկին առթով, Հինգշաբթի, 22 Փետրուարին այցելեց համալսարան:

Նախագահը կրթութեան եւ գիտութեան, փոխադրամիջոցներու, կապի եւ տեղեկատուական արհեստագիտութեանց նախարարներուն, պաշտպանութեան նախարարի տեղակալին եւ համալսարանի վարիչ տնօրէնին ուղեկցութեամբ ծանօթացաւ Հայաստանի Գիտութիւններու ազգային ակադեմիոյ արտասահմանեան անդամ, Ռուսիոյ  Գիտութիւններու ակադեմիոյ թղթակից անդամ, ականաւոր գիտնական Արիկ Մելիքեանի անունը կրող ուսումնահետազօտական կեդրոնին, ուր անօդաչու սարքերու նախագծական եւ հետազօտական աշխատանքներու իրականացման ու այդ գծով բարձր որակաւորում ունեցողներու ներուժի պատրաստման հիմք կը դրուի:

Կեդրոնը կոչուած է բարելաւելու ճարտարագիտական կրթութեան կազմակերպման որակը, նպաստելու համալսարանի հեռանկարային եւ երկրի պաշտպանունակութեան ամրապնդման միտուած մասնագիտական ուղղութիւններու ներդրման ու զարգացման, ինչպէս նաեւ աջակցելու տարբեր բարձրագոյն ուսումնական հաստատութիւններու ուսանողներու եւ երիտասարդ գիտնականներու կողմէ արդիական ուսումնահետազօտական ծրագիրներու իրականացման:

Նման կեդրոն մը կը գործէ նաեւ Իլինոյի համալսարանի համապատասխան կառոյցէն ներս, զոր կը ղեկավարէ կառավարման տեսութեան լաւագոյն մասնագէտներէն հայազգի Նաիրա Յովակիմեան: Ամերիկահայ գիտնականը ստանձնած է նաեւ ճարտարագիտական համալսարանին մէջ բացուած այս կեդրոնին խորհրդատուութեան ապահովման եւ աջակցութեան գործը:

Կեդրոնի հիմնադրման նպաստած է «Հայրենիք» ռազմահայրենասիրական հիմնադրամը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top