Սպիտակ Տունը Վերջապէս Կ՛ընդունի, Որ Ռուսիա Ամերիկեան Ընտրութիւններուն Միջամտած Է

0223putin trump

0223putin trumpՈՒԱՇԻՆԿԹԸՆ, «Ռոյթըրզ».- Սպիտակ տան բանբեր Սառա Սենտըրզ վերջապէս յայտարարեց, թէ 2016ի նախագահական ընտրութիւններուն ընթացքին Ռուսիոյ միջամտութիւնը յստակ ու պարզ էր, հակառակ այն իրողութեան, որ նախագահ Տանըլտ Թրամփ վերջին մէկ տարուան ընթացքին այս գծով կատարուած հետաքննութիւնները «վհուկներու հալածանք» որակած էր եւ ամէն միջոցի դիմած էր՝ միջամտութեան ծալքերուն բացայայտումը ձախողութեան մատնելու։

Միաժամանակ, Սենտըրզ ըսաւ. «Յստակ է, թէ այդ միջամտութիւնը չազդեց ընտրութիւններու արդիւնքին վրայ, ինչպէս նաեւ հաստատ է, որ Միացեալ Նահանգներու նախագահ Տանըլտ Թրամփի ընտրական գրասենեակին ու Ռուսիոյ միջեւ մեղսակցութիւն գոյութիւն չունի», ըսաւ Սենտըրզ, իբրեւ «փաստ» նշելով՝ «Թրամփ այդ մէկը բազմիցս հաստատեց»:

Յայտնենք, որ Քոնկրեսը քանի մը հետաքննութիւն բացած է ամերիկեան ընտրութիւններուն ռուսական միջամտութեան շուրջ, մինչ Մոսկուա կտրուկ կերպով կը հերքէ այդ ամբաստանութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top