Նախագահ Սերժ Սարգսեան Ընդունեց Լիոնի Քաղաքապետ Ժորժ Քեփենեկեանի Գլխաւորած Պատուիրակութիւնը

0309Sargsyan_Lyon

0309Sargsyan_LyonԵՐԵՒԱՆ.- Նախագահ Սերժ Սարգսեան Չորեքշաբթի, 7 Մարտին ընդունեց պաշտօնական այցելութեամբ Երեւան գտնուող Լիոնի քաղաքապետ Ժորժ Քեփենեկեանի գլխաւորած պատուիրակութիւնը:

Ողջունելով Լիոնի քաղաքապետը եւ անոր ուղեկցող ներկայացուցչական պատուիրակութիւնը Երեւանի մէջ՝ հանրապետութեան նախագահը հանդիպումին սկիզբը նախ շնորհաւորեց Ժորժ Քեփենեկեանը՝ Լիոնի քաղաքապետի պաշտօնին ընտրուելուն առիթով եւ անոր մաղթեց  յաջողութիւն: Նախագահը ընդգծեց, որ Ֆրանսայի մէջ մեր հայրենակիցին յաջողութիւնները հայաստանցիները կը նկատեն նաեւ իրենցը այն պարզ պատճառով, որ անոնք հայ-ֆրանսական բարեկամութեան կարեւոր բաղկացուցիչն են: Նախագահ Սարգսեան վստահութիւն յայտնեց, որ քաղաքապետը իր փորձառութիւնն ու ունակութիւնները լաւագոյնս պիտի ծառայեցնէ Լիոնի եւ Երեւանի միջեւ յարաբերութիւններու սերտացման, նաեւ հայ եւ ֆրանսացի ժողովուրդներու բարեկամութեան ամրապնդման գործին:

Անդրադառնալով առանձնաշնորհեալ նկատուող բարձր մակարդակի հայ-ֆրանսական յարաբերութիւններուն՝ նախագահը ընդգծեց, որ բարեկամութիւնը սահմաններ չունի, եւ երկու երկիրները միշտ պարտաւոր են ընդարձակել համագործակցութիւնը եւ տարուէ-տարի ամրապնդել յարաբերութիւնները:

Լիոնի քաղաքապետ Ժորժ Քեփենեկեան շնորհակալութիւն յայտնեց  նախագահին՝ շնորհաւորանքին եւ բարեմաղթանքներուն համար:

Քաղաքապետը նշեց, որ իր գլխաւորած պատուիրակութեան կազմին մէջ ներգրաւած է տարբեր ոլորտներու փորձառու մասնագէտներ, որոնց օգնութեամբ յոյս ունի բազմաբնոյթ համագործակցութիւն ծաւալելու Հայաստանի մէջ՝ այդպիսով փոխյարաբերութիւններու նոր էջ բանալով Երեւանի եւ Լիոնի, նաեւ երկու բարեկամ երկիրներուն միջեւ: Լիոնի քաղաքապետը գոհունակութեամբ խօսեցաւ այցելութեան շրջագիծին մէջ իր ունեցած արգասաբեր հանդիպումներուն եւ շարք մը ոլորտներու մէջ արդէն իսկ ձեռք բերուած համագործակցութեան պայմանաւորուածութիւններուն մասին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top