Մեսրոպեան Ազգ. Վարժարանը Իր «Կապրիէլ» Մանկամսուրով՝ Վեց Տարուան Վարկաւորում Կը Ստանայ WASC-էն

0000Ron and Goharik Gabriel Preschool

 

0000Ron and Goharik Gabriel Preschool

ՓԻՔՕ ՌԻՎԵՐԱ.- Վարժարաններու եւ համալսարաններու արեւմտեան ընկերակցութիւնը (WASC) առաւելագոյն՝ վեց տարուան պայմանաժամով վերանորոգած է Մեսրոպեան Ազգային վարժարանի վարկաւորումը՝ անոր մէջ ներառելով նաեւ Ռան եւ Գոհարիկ Կապրիէլ մանկամսուրը:

Վարկաւորումի վերանորոգման որոշումը հիմնուած էր անցեալ տարուան վերջաւորութեան տարբեր առիթներով վարժարան այցելած WASC-ի յանձնախումբի տեղեկագիրին վրայ։ Յանձնախումբի անդամները հանդիպումներ ունեցան վարժարանի տնօրէնութեան, անձնակազմին, աշակերտներուն եւ ծնողներուն հետ, միաժամանակ քննելով վարժարանի գործունէութեան մասին պատրաստուած 206 էջնոց տեղեկագիրը։

WASC-ի տեղեկագիրին մէջ յատկապէս լուսարձակի տակ առնուած է Մեսրոպեան Ազգ. վարժարանին արձանագրած յառաջդիմութիւնները, եւ ողջունելի գտնուած է այն իրողութիւնը, որ 2013էն ի վեր վարժարանի աշակերտութեան թիւը աճած 61 տոկոսով:

Յատկանշական է, որ մանկամսուրը առաջին անգամ ըլլալով է, որ կ՛արժանանայ WASC-ի կողմէ ամբողջական վարկաւորումի։

Վարժարանը նաեւ կը տեղեկացնէ, թէ 2018-2019 կրթական տարեշրջանի արձանագրութիւնները սկսած են Մարտ 3ին կայացած դպրոցի ծանօթացման համայնքային հաւաքէն ի վեր։

Վարժարանը աշակերտներու փոխադրութիւն կը տրամադրէ Փասատինայէն, Կլենտէյլէն եւ Սան Կապրիէլ հովիտի ու Օրենճ Քաունթիի զանազան շրջաններէն։

Մեսրոպեան Ազգային վարժարանի մասին յաւելեալ տեղեկութեանց համար, դիմել (562) 699-2057 կամ (323) 723-3181 թիւերուն, կամ՝ info@mesrobian.org հասցէին։

0000Armenian Mesrobian School

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top