Արամ Խաչատրեանի Անուան Պետական Լարային Քառեակը՝ Քուէյթի Մէջ

0000KWEIT

0000KWEIT

Քուէյթի մէջ Հայաստանի դեսպանութեան հրաւէրով՝ մենահամերգով հանդէս եկաւ հայ մեծանուն երաժշտահան Արամ Խաչատրեանի անունը կրող պետական լարային քառեակը:

Քուէյթի գլխաւոր համերգային բեմահարթակին՝ «Ապտուլ Հուսէյն» սրահին մէջ կազմակերպուած համերգին ներկայ էին գրեթէ բոլոր ցամաքամասերը ներկայացնող երկիրներու դեսպաններ, դիւանագիտական ներկայացուցիչներ եւ հայրենակիցներ:

Իր բացման խօսքին մէջ, Քուէյթի մօտ Հայաստանի արտակարգ եւ լիազօր դեսպան Մ. Բադէեան մասնաւորապէս նշեց. «Հազարամեակներու պատմութիւն ունեցող եւ պետականութեան տարբեր ձեւաչափեր ապրած մեր երկիրը այս տարի Հայաստանի եւ Սփիւռքի մէջ կը նշէ Հայաստանի Հանրապետութեան 100ամեակը: Այս յոբելեանին նուիրուած զանազան ձեռնարկներու շարքը կը սկսինք համերգային ձեռնարկով՝ ներկայացնելով մեր հարուստ մշակութային ժառանգութենէն պատառիկ մը: Համոզուած եմ, որ մշակութային երկխօսութիւնը ժողովուրդներու փոխըմբռնման լաւագոյն հարթակն է»:

Քառեակին կատարումով (Մ. Մարգարեան, Հ. Վարդանեան, Ա. Թալալեան, Վ. Հովէեան) Պեթհովենի, Վ. Մանուկեանի, Կոմիտասի, Ա. Պիացոլայի, Ռ. Ալթունեանի ստեղծագործութիւնները կ՛ուղեկցուէին երկար ծափողջոյններով եւ բացականչութիւններով:

Համերգի աւարտին՝ դեսպան Մ. Բադէեան կազմակերպական աջակցութեան համար եւ ի նշան յետագայ համագործակցութեան, երախտագիտական յուշատախտակ փոխանցեց Քուէյթի մշակոյթի եւ նամակատան ազգային խորհուրդի գլխաւոր քարտուղարութեան՝ ի դէմս դոկտ. Պատըրի:

Այնուհետեւ դեսպանն ու դոկտ. Պատըր շնորհակալութիւն յայտնեցին եւ յուշատախտակ յանձնեցին Ա. Խաչատրեան պետական լարային քառեակի գեղարուեստական ղեկավար Վաչէ Հովէյեանին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top