Թուրքիոյ Մէջ Ձերբակալուած Են Հայերու Գանձերուն Փոխարէն Ոսկորեներ Գտած Անձեր

ՊՈԼԻՍ, «Մարմարա».- Այս քանիերորդ անգամն է, որ հողին տակ թաղուած գանձ փնտռողներ, մարդկային ոսկորներ կը գտնեն։ Կասկածներ կան, որ գտնուածները զանգուածային կերպով սպաննուած հայերու ոսկորներ են։

Լուրը կու գայ Կեսարիայէն։

Արդարեւ, ոստիկանները Կեսարիոյ Մելիքկազի գաւառակին մէջ խուզարկած են գործարարի մը գործատեղին, գտնելով թագաւորական շիրիմի մը բաժիններ, որ իբրեւ թէ հռոմէական շրջանէն մնացած է։ Այս կապակցութեամբ, երեք օր շարունակ հարցաքննութեան ենթարկուած է գործարարը, որմէ ետք երեք անձեր ձերբակալուած են։ Կ՛ըսուի, որ կասկածելիները կր փնտռէին հայերու կողմէ հողին տակ թաղուած գանձեր։ Անոնցմէ մէկը զիրենք լուսանկարող լրագրողներուն բարկանալով պոռացած է. «Ի՞նչ կը նկարէք։ Բնաւ չեք տեսա՞ծ գանձ փնտռողներ։ Մենք գանձ կը փնտռէինք, հայերու ոսկորներ ելան։ Թագաւորին գերեզմանին մէջէն գոհարեղէն ու ոսկի կը սպասէինք, ոսկոր գտանք»։

Ինչպէս միշտ, ամէն անգամ որ ոսկորներու նմանօրինակ պեղում մը կը կատարուի, այս անգամ ալ շատեր հարց տուին, թէ ասոնք սպաննուած հայերո՞ւ ոսկորներ էին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top