«Վահրամ Փափազեան» Թատերախումբը Լիբանանի Մէջ Կը Ներկայացնէ «Քաղաքավարութեան Վնասները»

0000PAPAZIAN

0000PAPAZIAN

ՀԲԸՄ-ՀԵԸ «Վահրամ Փափազեան» թատերախումբը, հարազատ մնալով հայ բեմին ու մշակոյթին ծառայելու իր առաքելութեան՝ Ուրբաթ, 9 Մարտէն սկսեալ (Շաբաթ, 10, Կիրակի,11, Ուրբաթ, 16, Շաբաթ, 17 եւ Կիրակի, 18 Մարտ),  «Յակոբ Տէր Մելքոնեան» թատերասրահին մէջ կը ներկայացնէ Յակոբ Պարոնեանի «Քաղաքավարութեան Վնասները» կատակերգութիւնը: Բեմադրիչն է Վարդան Մկրտիչեան: Բեմադրութիւնը հռչակաւոր թատերախումբին 58րդն է լիբանանեան բեմերուն վրայ:

Ուրբաթ, 9 Մարտի երեկոյեան, հոծ թիւով թատերասէրներու  ներկայութեան տեղի ունեցաւ  «Քաղաքավարութեան Վնասները» ներկայացումին «Կալա»ն:

Նախքան ներկայացումը, թատերախումբի  վարչութիւնը, անդամները եւ հանդիսատեսները  մէկ վայրկեան յոտնկայս յարգեցին լիբանանահայ թատրոնի, ի մասնաւորի ՀԲԸՄ-ՀԵԸ «Վահրամ Փափազեան» թատերախումբի երկարամեայ վարչական եւ բեմայարդար, նորոգ հանգուցեալ Մաթիկ Աւագեանի՝ «Ուստա»ի յիշատակը: Թատերախումբի վարչութեան անդամ  Վազգէն Մուղալեան ամփոփ տողերու մէջ վեր առաւ հանգուցեալին արժանիքները, ծառայասիրութեան ոգին, խոստանալով վառ պահել անոր  ձգած աւանդը:

Բեմին վրայ  յարափոփոխ տեսարաններ եւ դրուագներ կը  յաջորդէին զիրար: Վարդան Մկրտիչեան  հմտօրէն  յաջողած էր կողք-կողքի պատմուածքներ եւ մանրապատումներ  ներկայացնել, միաժամանակ օգտագործելով լոյսի խաղերը եւ շրջուն բեմին  կարելիութիւնները: Բեմադրիչը նաեւ  յաջողած էր  հանդիսատեսը անմիջապէս  փոխադրել  դրուագներուն խորքը: Անոր այս յաջողութեան մեծապէս նպաստած էր «Վահրամ Փափազեան» թատերախումբի դերասանական կազմին փայլուն խաղարկութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top