ՀՄԸՄի 100ամեակին Նուիրուած Մարզախաղերու Շարքին՝ Սան Տիէկոյի «Սեւան» Մասնաճիւղի Մարզախաղերը

0000Homenetmen 100th SD Games

 

0000Homenetmen 100th SD GamesՍԱՆ ՏԻԷԿՕ.- Փետրուար 17, 18 եւ 19ին, Հարաւային Քալիֆորնիոյ Սան Տիէկօ քաղաքին մէջ, մեծ խանդավառութեամբ տեղի ունեցան «Սեւան» մասնաճիւղի կազմակերպած՝ վոլիպոլի եւ պասքեթպոլի միջմասնաճիւղային մարզախաղերը։ Այս մարզախաղերը տեղի կ՛ունենան 33 տարիէ ի վեր:

Մարզախաղերուն մասնակցեցան պասքեթպոլի 73 եւ վոլիպոլի 12 խումբերը (ընդամէնը 85), մօտաւորապէս 1000 մարզիկներով:

Ամէնամեայ այս մարզախաղերը մեծ խանդավառութիւն կը ստեղծեն ոչ միայն մարզիկներուն մօտ, այլեւ ծնողներուն ու Սան Տիէկոյի փոքրաթիւ հայ համայնքին մօտ: Այս տարի, աւելի քան 2000 ծնողներ ու ՀՄԸՄի համակիրներ ներկայ եղան ու քաջալերեցին պատանի ու երիտասարդ մարզիկները՝ «մարզական խրախճանքի» մթնոլորտի մը մէջ:

Միջմասնաճիւղային այս խաղերը տեղի ունեցան «Alliant International»ի մարզադաշտերուն վրայ: Մրցաշարքի աւարտին, հետեւեալ մասնաճիւղերու խումբերը գրաւեցին առաջին դիրքերը.

 

ՏՂՈՑ ՊԱՍՔԵԹՊՈԼ

 

1-A դասակարգ՝ Կլենտէյլի «Արարատ» մասնաճիւղ

2-A դասակարգ՝ Փասատինայի «Ազատամարտ» մասնաճիւղ

3-A դասակարգ՝ «Արարատ» մասնաճիւղ (3)

 

21էն վար տարիքի՝ «Արարատ» մասնաճիւղ

18էն վար՝ Լա Քրեսենթայի «Շանթ» մասնաճիւղ

16էն վար՝ «Արարատ» մասնաճիւղ (1)

15էն վար՝ «Արարատ» մասնաճիւղ (2)

 

ԱՂՋԻԿՆԵՐՈՒ ՊԱՍՔԵԹՊՈԼ ԵՒ ՎՈԼԻՊՈԼ

 

Գալով աղջիկներու պասքեթպոլի մրցաշարքին, ապա վերի դասակարգի մրցաշարքին ախոյեան հանդիսացաւ Փասատինայի «Ազատամարտ» մասնաճիւղի կազմը, իսկ վարի դասակարգինը՝ դարձեալ նոյն մասնաճիւղին համապատասխան խումբը:

16 տարեկանէն վար դասակարգին մէջ ախոյեան հանդիսացաւ Կլենտէյլի «Արարատ» մասնաճիւղի կազմը:

Վոլիպոլի խաղերուն, վերի դասակարգի ախոյեանութիւնը խլեց Սան Ֆերնանտօ հովիտի «Մասիս» մասնաճիւղին խումբը, իսկ վարի դասակարգի պարագային՝ Լոս Անճելըսի մասնաճիւղի կազմը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top