Կլենտէյլի Հայ Դատը Կ՛ողջունէ Քաղաքին Մէկ Թաղը «Արցախ» Անուանելու Որոշումը

0317Glendale Artsakh

0317Glendale ArtsakhԿԼԵՆՏԷՅԼ.- Կլենտէյլի Հայ Դատի յանձնախումբը ողջունեց Կլենտէյլի քաղաքապետական խորհուրդին կողմէ Մարտ 13ի երեկոյեան միաձայնութեամբ վաւերացուած այն որոշումը, որուն շնորհիւ քաղաքին Մերիլենտ թաղին մէկ հատուածը (Հարվըրտի եւ Ուիլսընի միջեւ) «Արցախ» պիտի կոչուի։

Կլենտէյլի Հայ Դատի յանձնախումբը զօրակցած էր նշեալ թաղը Արցախի Հանրապետութեան ի պատիւ կոչուելուն գծով տարուող ջանքերուն, եւ յանձնախումբի համայնքային հարցերու պատասխանատու Մարկարիթա Պաղտասարեան դրուատեց Մերիլենտ թաղը ընտրելու որոշումը՝ դիտել տալով, որ անիկա կը գտնուի բանուկ եւ արուեստներով ու ժամանցի կարելիութիւններով հարուստ շրջանի մը մէջ, ուրկէ կ՛անցնին օրական հազարաւոր քաղաքացիներ եւ այցելուներ։

Կլենտէյլի Հայ Դատի յանձնախումբը նաեւ կը շեշտէ, թէ քաղաքապետական խորհուրդի որոշումը միայն առաջին քայլն է այդ անուանումը իրականացնելուն մէջ, որ կրնայ քանի մը ամիս տեւել, որովհետեւ պէտք է նախ վաւերացուի քաղաքի կարգ մը բաժանմունքներուն եւ Միացեալ Նահանգներու նամակային սպասարկութեան կողմէ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top