Ցեղասպանութեան Մասին Իր Ֆիլմին Համար Աքըն «Ազգի Թշնամի» Կը Նկատուի Թուրքիոյ Մէջ

0406akin

0406akin

ԵՐԵՒԱՆ, «Էրմենիհապեր».- Թրքական «Թուհաֆ» թերթին հետ հարցազրոյցի մը ընթացքին, ներկայիս Գերմանիա ապրող թուրք բեմադրիչ Ֆաթիհ Աքըն յայտնած է, որ չի կրնար այցելել Թուրքիա՝ Հայոց Ցեղասպանութեան նուիրուած  իր «Հատումը» («The Cut») ֆիլմին պատճառով:

Բեմադրիչը, որ աւելի քան երեք տարիէ ի վեր Թուրքիա չէ այցելած, ըսած է նաեւ, որ ֆիլմին նկարահանումէն ետք՝ Թուրքիոյ հասարակութեան մօտ ան կ՛ընկալուի իբրեւ «ազգի թշնամի»:

«Իսկապէս մտահոգ եմ, որ Թուրքիա կ՛ապրի ծանր ժամանակներ: Ատելութիւնը եւ ցեղապաշտութիւնը կը թունաւորեն ամբողջ երկիրը: Այս երկուքը շատոնց արմատներ կը նետէին երկրին մէջ: Ես թրքական ծագում ունեցող գերմանացի եմ, եւ միշտ այն մտավախութիւնը ունեցած եմ, որ ես հաւանական թիրախ եմ», ըսած է իր «In The Fade» ֆիլմին համար «Կոլտըն Կլոպ» մրցանակին արժանացած բեմադրիչը:

Ան նաեւ տեղեկացուցած է, որ կ՛աշխատի հեռու մնալ Թուրքիայէն, եւ այս պահուն մտադրութիւն չունի հոն ֆիլմ նկարահանելու: «Եթէ նոյնիսկ նման մտադրութիւն ունենայի, հաւանաբար կը ձերբակալուէի», աւելցուցած է ան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top