«Կառավարութիւնը Կը Կատարէ «Ազգ-Բանակ» Հայեցակարգը Կեանքի Կոչելու Չորրորդ Կարեւոր Քայլը». Վիգէն Սարգսեան

0414viken

0414vikenԵՐԵՒԱՆ.- Հայաստանի Հանրապետութեան կառավարութիւնը ընդունեց շարք մը որոշումներ, որոնք ուղղուած են «Ազգ-բանակ» հայեցակարգի իրականացման: Պաշտպանութեան նախարարի պաշտօնակատար Վիգէն Սարգսեան յայտնեց, որ այսօր կը կատարուի «Ազգ-բանակ»ը կեանքի կոչելու վերաբերող խիստ կարեւոր չորրորդ քայլը: Առաջին քայլը, ըստ Վիգէն Սարգսեանի, գաղափարականն էր, որ կը բխէր նախագահ Սերժ Սարգսեանի ելոյթներէն եւ ուղեցուցային հիմնական մօտեցումներէն: «Երկրորդ կարեւոր քայլը իրաւական էր: Մենք ընդունեցինք  երկու կարեւոր օրէնքներ, որոնցմով համախմբեցինք մինչ այդ գործող 7 օրէնքները: Երրորդ կարեւոր քայլը արդիականացման ծրագիրն էր, որ  յառաջիկայ 7 տարիներուն համար բանակի զարգացման շատ գործնական ճամբու քարտէս է: Չորրորդ կարեւոր քայլը մենք այսօր կը կատարենք. այսօրուան նիստին բերած եմ վեց որոշումներ, որոնցմով մենք յստակ ծրագիրներ կը ներկայացնենք այս ամբողջ գաղափարախօսութենէն անցնելու շատ կիրառական գործնական քայլերու», ըստ «Արմէնփրէս»ի՝ ըսեց պաշտպանութեան նախարարի  պաշտօնակատարը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top