Ատրպէյճան Նախաձեռնած Է Հայկական Գորգագործութեան Արուեստը Եւս Կողոպտելու Արշաւի Մը

0000Arm Rugs Society

0000Arm Rugs SocietyԼՈՍ ԱՆՃԵԼԸՍ.- Հայակական գորգերու ընկերակցութիւնը մեր ուշադրութեան կը յանձնէ վերջերս մտահոգիչ մակարդակներու հասած ատրպէյճանական քարոզչական նոր արշաւ մը, որուն նպատակն է իւրացնել հայկական գորգագործութեան արուեստը՝ փորձելով աշխարհը համոզել, թէ հայկական գորգերը ատրպէյճանական կամ թրքական են խորքին մէջ։

Այս արշաւը նախաձեռնուած է Ատրպէյճանի իշխանութիւններուն կողմէ եւ կը վայելէ ատրպէյճանական ոչ-պետական հաստատութեանց եւ անհատներու աջակցութիւնը։

Ատրպէյճանի բռնատիրական կառավարութեան պատկանող կամ պետութեան մօտիկ «լրատու» գործակալութիւններ վերջերս սկսած են «մասնագիտական» յօդուածներու եւ ուսումնասիրութիւններու շարքի մը, յառաջ քշելու համար իրենց անհիմն պնդումները՝ հիմնուելով այն թիւր համոզումին վրայ, որ սուտը կրկնելով կարելի է զայն ճշմարտութեան վերածել։ Անոնք կը պնդեն, թէ Ատրպէյճանի մէջ գորգագործութիւնը վերածնունդ մը կ՛ապրի, սակայն անիկա արդէն իսկ գոյութիւն ունեցած է Հերոդոտոսի օրերէն, երբ, իրականութեան մէջ՝ 1918ին մէջտեղ եկած Ատրպէյճանի երազն իսկ գոյութիւն չունէր։

0000Arm Rugs Shushi

Արցախեան գորգագործութեան նմոյշներ Շուշիի գորգերու թանգարանին մէջ

Նման պնդումներ կը փորձեն հարուած հասցնել ոչ միայն հայկական գորգագործութեան արուեստին, այլեւ՝ այդ արուեստի իւրայատուկութիւնները եւ աւանդութիւնները գիտականօրէն ամրագրած արուեստի միջազգային մասնագէտներու աշխատանքին։

Քարոզչական այս նորագոյն արշաւը մաս կը կազմէ ատրպէյճանցիներու եւ թուրքերու կողմէ հակահայ երկարամեայ արշաւներուն, որոնց սեւ էջերէն են՝ Հայոց Ցեղասպանութիւնը, Արցախի եւ Նախիջեւանի բռնագրաւումները եւ հոն տեղի ունեցած սպանդներն եւ տեղահանութիւնները, նաեւ՝ այս բոլորին ընկրերացած մշակութային ցեղասպանութեան փորձերը, ներառեալ Նոր Ջուղակի հարիւրաւոր խաչքարերու բնաջնջումը։

Հայակական գորգերու ընկերակցութիւնը կոչ կ՛ընէ բոլորին, որ կարելի միջոցները ի գործ դնելով՝ դէմ դնեն մշակութային ցեղասպանութեան միտող ատրպէյճանական այս նորագոյն արշաւին, պահպանելու համար պատմական իրականութիւնը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Mardig Madenjian said:

    Ինչո՞ւ կը պատահին նման դէպքեր. որովհետեւ Հայաստանի եւ Արցախի իշխանութիւնները ուրիշ բաներով զբաղած են եւ ժամանակ չունին նման դէպքեր կանխատեսելու եւ առաջքը առնելու: Օրինակ մը տամ:
    Տարիներ առաջ, յստակ չեմ յիշեր (5 թէ 8) Ատրպէյճանը նամակադրոշմ մը հրապարակեց Շուշիի ծնունդ՝ Մուրացանի անունով եւ անոր ծննդեան տարեդարձին առթիւ: Մուրացան Ատրպէյճանցի չէր, սակայն Շուշի ծնած ըլլալուն համար զայն այդպէս սեփականացուցին: Քանիցզ գրեցի եւ նոյնիսկ Լոս Անճելըսի Գրական հարցերու ՀՀ Հիւպատոսին ալ յայտնեցի, նոյնիսկ Մուրացանի թոռան մասին ալ խօսեցայ եւ գրութիւն յանձնեցի, սակայն ականջի ետեւ նետուեցաւ ըստ հայաստանեան սովորութեան: Եթէ դրամ չկայ հարցին մէջ, չեն հետաքրքրուիր: Հայկական գորգն ալ, հայաստանն ալ, հայութիւնն ալ կը սեփականացնեն, որո՞ւ հոգը: Ամիս մը առաջ չէ՞ր Հայաստանը Ատրպէյճանական հող է եսըլով սափրտեցին եւ մէկը դէմ չելաւ:

*

Top