Հոլանտայի Մօտ Հայաստանի Դեսպանը Հանդիպեցաւ Հոլանտահայ Կառոյցներու Ներկայացուցիչներուն Հետ

0000HOLLAND

0000HOLLAND

ԱՄՍԹԵՐՏԱՄ.- Չորեքշաբթի, 11 Ապրիլին, Հոլանտայի մօտ Հայաստանի Հանրապետութեան դեսպան Գարեգին Մելքոնեան իր հաւատարմագիրները յանձնեց Նիտերլանտներու թագաւոր Վիլհելմ Ալեքսանտրին: Այսպիսով նշանակեց, թէ Գարեգին Մելքոնեան սահմանուած կարգով եւ լիազօրութիւններով պաշտօնապէս կ՛անցնի իր պարտականութիւններու կատարման:

«Հայերն Այսօր»ը, յղում կատարելով «Նիտերլանտական Օրագիր»ին՝ կը յայտնէ, որ նոյն օրը Հայաստանի դեսպանութիւնը կազմակերպած էր ընդունելութիւն մը, որուն մասնակցեցան հոլանտահայ կազմակերպութիւններու եւ կառոյցներու ներկայացուցիչներ:

Հակիրճ ելոյթով նորանշանակ դեսպանը պատմեց Հաագայի մէջ յատուկ արարողակարգով Noordeinde թագաւորական պալատին մէջ ընդունելութեան, Վիլհեմ Ալեքսանտրին հաւատարմագիրներ յանձնելու եւ անոր հետ շուրջ կէս ժամ ունեցած զրոյցին մասին:

Հանդիպման ընթացքին խօսուեցաւ հայ-հոլանտական յարաբերութիւններու զարգացման եւ համագործակցութեան մասին: Դեսպանը կարեւոր համարեց նաեւ կապը հայ համայնքներուն հետ. ան խոստացաւ մօտէն ծանօթանալ հայ համայնքներու եւ կառոյցներու գործունէութեան: Հայ համայնքի ներկայացուցիչները շնորհաւորեցին դեսպանը եւ յաջողութիւն մաղթեցին անոր։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top