Տիգրանակերտի Մէջ Քրտերէնով Ցուցատախտակներ Կը Վերցուին

0417Dikranagerd

0417Dikranagerd

ԵՐԵՒԱՆ, «Էրմենիհապեր».- Թուրքիոյ ամենամեծ քրտաբնակ քաղաքը հանդիսացող Տիգրանակերտի մէջ վերցուած են թրքերէն-քրտերէն երկլեզու այն ցուցատախտակները, որոնք զետեղուած էին գլխաւոր պողոտաներու վրայ։

Ցուցատախտակները վերցնելու աշխատանքները սկսած էին Մարտին, նախագահ Էրտողանի Տիգրանակերտ կատարած այցելութենէն ետք։ Երկլեզու ցուցատախտակները քաղաքին մէջ զետեղուած էին այն տարիներուն, երբ քաղաքի կառավարումը անցած էր քրտամէտ կուսակցութեան։

Յիշեցնենք, որ 2016ի Դեկտեմբերին, Տիգրանակերտի Սուր շրջանի տեղական կառավարման մարմինի շէնքի պատէն հեռացուած էր նաեւ բազմալեզու ցուցատախտակի մը հայերէն ու ասորերէն հատուածը։ Սուրի քաղաքապետին ձերբակալութենէն ետք, այդ ցուցատախտակին փոխարէն կախուած էր թրքական դրօշակը։ Բազմալեզու ցուցատախտակը կախուած էր 2012ին, քիւրտ քաղաքապետ Ապտուլլահ Տեմիրպաշի իշխանութեան օրերուն, երբ քաղաքապետութիւնը որոշում կայացուցած էր շրջանի զանազան հատուածներուն մէջ զետեղել բազմալեզու ցուցատախտակներ՝ ընդգրկելով լեզուները այն ազգերուն, որոնք տարբեր ժամանակաշրջաններու ապրած էին այդ քաղաքին մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top