Պոլսոյ Հայկական Եկեղեցիին Վրայ Յարձակած Անձը Պայմանականօրն Ազատ Կ՛արձակուի

0503bolis2

0503bolis2

ԵՐԵՒԱՆ, «Էրմենիհապեր».- Պոլսոյ Քատըգիւղ թաղամասին մէջ գտնուող հայկական Սուրբ Թագաւոր եկեղեցիին վրայ յարձակում կատարած եւ աւելի ուշ ձերբակալուած քաղաքացին՝ Սերտար Ք., պայմանականօրէն ազատ արձակուեցաւ Մայիս 2ին:

Միջանկեալ նշենք, որ Պոլսոյ իրաւապահ մարմինները հետաքննութիւն սկսած էին Ապրիլ 30ին Ս. Թագաւոր եկեղեցւոյ մուտքը աղբի կոյտով փակած եւ պատին վրայ ազգայնամոլ արտայայտութիւն գրած անձը կամ անձերը բացայայտելու համար: Յարձակումի պատասխանատուին ինքնութիւնը պարզուեցաւ տարածքը տեսահսկող գործիքներու ուսումնասիրութեան միջոցով:

0503bolis

Յարձակողը դատախազութեան մօտ խոստովանած է իր արարքը՝ հետեւեալը ըսելով.

«Մի քանի օր առաջ Սուրբ Թագաւոր հայկական եկեղեցիին առջեւ կախած էի Մուսթաֆա Քեմալ Աթաթիւրքի պաստառը ու անոր կողքին դրած էի ծաղիկներ: Յաջորդ օրը, երբ տեսայ, որ պաստառը հեռացուած է, շատ ջղայնացայ: Ապրիլ 30ին, չեմ յիշեր ժամը քանիին, եկեղեցւոյ պատին այդ գրութիւնը գրեց»: Ան նաեւ խոստովանած է, որ ինքն է որ աղբ լեցուցած է եկեղեցւոյ դրան դիմաց:

Թէեւ գործին առնչութեամբ հետաքննութիւնը ընթացքի մէջ է, այնուամենայնիւ դատախազութիւնը որոշած է ազատ է արձակել վերոնշեալ անձը, այն պայմանով, որ ան շաբաթը երկու անգամ ներկայանայ ոստիկանական բաժանմունք:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top