Ուաշինկթընի Մէջ Տեղի Ունեցաւ Համազգայինի 42րդ Շրջանային Ժողովը

0000HAMAZKAYIN

0000HAMAZKAYINՇաբաթ, 14 Ապրիլին, Ուաշինկթընի Հայ առաքելական Սուրբ Խաչ եկեղեցւոյ սրահին մէջ տեղի ունեցաւ Համազգային Հայ Կրթական եւ Մշակութային Միութեան Արեւելեան Ամերիկայի Միացեալ Նահանգներու 42րդ շրջանային ժողովը, մասնակցութեամբ մասնաճիւղերու ներկայացուցիչներուն եւ հրաւիրուած ներկաներու:

Կեդրոնական վարչութիւնը կը ներկայացնէր Հրայր Պարոնեան, իսկ շրջանի ՀՅԴ Կեդրոնական կոմիտէն՝ Յովսէփ Աւագեան:

Յատկապէս քննուեցան երիտասարդութիւնը յուզող հարցեր, որոնց կարգին տարեկան դրութեամբ կազմակերպուող Artlinks ծրագիրը: Այս գծով, հանդէս եկաւ ծրագիրի պատասխանատու Խաչիկ Մուրատեան, որ յաւելեալ բացատրութիւններ փոխանցեց: Օրակարգի վրայ էր նաեւ տարեկան դրութեամբ կազմակերպուած ուսանողական համախմբումը (ֆորում): Այս գծով, որոշուեցաւ յաւելեալ խանդավառութիւն ստեղծել երիտասարդ ուսանողներու մօտ:

Նաեւ, ժողովը գնահատեց Հիւսիսային Ամերիկայի երեք շրջաններու Շրջանային վարչութիւններու կատարած ժողովները:

Կատարուեցաւ միամիայ գործունէութեան բարոյական եւ նիւթական տեղեկագիրներու ընթերցումը: Առիթ տրուեցաւ լուսաբանական հարցումներու եւ ապա կատարուեցաւ ըստ էութեան քննարկում:

Աւարտին տեղի ունեցաւ ընտրութիւնը Շրջանային վարչութեան, որուն անդամներն են՝ Արեւիկ Գաբրիէլեան (Նիւ Եորք, ատենապետ), Անի Աղաճանեան (Ֆիլատելֆիա, ատենադպիր), Քարի Ղազարեան (Ֆիլատելֆիա, գանձապահ), Յասմիկ Աբրահամեան (Նիւ Ճըրզի, փոխատենապետ), Թալին Մավլեան (Նիւ Ճըրզի, խորհրդական), Նանօր Պարսումեան (Պոսթըն, Խորհրդական) եւ Հելենա Պարտաքճեան (Տիթրոյիթ, խորհրդական):

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top