Յոյս Ունիմ, Որ Նոր Ներդրումներ Պիտի Գան Հայաստան Յատկապէս Սփիւռքէն. Հայաստանի Վարչապետ

0516investments

0516investments

ԵՐԵՒԱՆ.- Հայաստանի վարչապետ Նիկոլ Փաշինեան տարածքային կառավարման եւ զարգացման նախարարութեան աշխատակազմին ներկայացուց նորանշանակ նախարար Սուրէն Պապիկեանը:

Վարչապետը յայտնեց, որ շատ կարեւոր կը համարէ տարածքային համաչափ զարգացման հարցը, եւ անոր իրագործման համար նոր իրավիճակի մէջ նոր հնարաւորութիւններ կը տեսնէ: «Յոյս ունիմ, որ նոր ներդրումներ պիտի գան Հայաստան յատկապէս Սփիւռքէն: Այդ պիտի նպաստէ նաեւ տարածքային զարգացման: Յոյս ունիմ, որ քաղաքական նոր իրավիճակին մէջ փիլիսոփայութիւնը պիտի փոխուի, մարդիկ աւելի շատ պիտի մտածեն մարզերու մէջ աշխատատեղեր ստեղծելու ուղղութեամբ», ըստ «Արմէնփրէս»ի, ըսաւ Փաշինեան:

Ան նկատել տուաւ, որ երկրին մէջ կայ չմշակուող հողերու հսկայական ծաւալ, որուն մեծ մասը անջրդի են: Պէտք է կարենալ ոռոգման ջուրը դարձնել այնքան հասանելի, որքան ելեկտրականութիւնը: «Տեղական ինքնակառավարման մարմիններու աշխատանքի արդիւնաւէտութեան վրայ պէտք է աշխատինք: Խոշորացման հետ կապուած՝ մենք պէտք է կարենանք ապրեցնել գիւղերը, ո՛չ միայն կանգնեցնել գիւղերուն դանդաղ հանգչելու գործընթացը, այլ պէտք է այդ անիւը ետ պտըտցնել: Հարց ձեւակերպենք մեր գիւղերուն համար. գիւղը պէտք է ապացուցէ, որ խոշորացման կարիք չունի, գիւղին մէջ տնտեսական իրական կեանք կայ: Ասոնք իրական հարցեր են, որոնց ուղղութեամբ մենք պէտք է աշխատինք», ըսաւ վարչապետը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Armen said:

    «Յոյս ունիմ», «Յոյս ունիմ», «Պէտք է», «պէտք է», «պէտք է», եւ «պէտք է»:
    Մինչեւ այսօր առանց յոյսի էինք ապրում, սրանից յետոյ էլ՝ «յոյս»ով ու «պէտք է»ով կ՛ապրենք… Ոչի՛նչ:

*

Top