«Հայաստանի Մանուկներ» Հիմնադրամի (COAF) ՍՄԱՐԹ Կեդրոնը Կը Բանայ Իր Դռները

0518smart

0518smart

ԵՐԵՒԱՆ.- 27 Մայիսին, Լոռի մարզի Դեբետ համայնքին մէջ պիտի բացուի «Հայաստանի մանուկներ» հիմնադրամի (ՔՈԱՖ) ՍՄԱՐԹ կեդրոնը: ՍՄԱՐԹ նորարարական հայեցակարգը կը փոխէ գիւղական Հայաստանի պատկերը՝ զայն դարձնելով միջազգային համայնքի անքակտելի մաս: 5 միլիոն տոլարի ներդրումով, այս ծրագիրը նպատակ ունի զարգացնելու տեղական միջոցները եւ զայն համայնքներուն մէջ կիրառելու հնարաւորութիւններ ստեղծելու:

ՔՈԱՖ ՍՄԱՐԹը ոչ-օրինաւոր կրթութեան համապարփակ միջավայր է: Անիկա հաւասար եւ համարժէք հնարաւորութիւններ կ՛ապահովէ գիւղերու՝ երեք տարեկանէն բարձր 150 հազար երիտասարդներու եւ մեծահասակներու համար:

ՍՄԱՐԹ կեդրոնի հայեցակարգի չորս հիմնասիւներն են՝ նորարարութիւնը եւ ստեղծագործականութիւնը, լեզուն եւ հաղորդակցութիւնը, ձեռներէցութիւնը եւ տեղական տնտեսական զարգացումը, աշխոյժ քաղաքացիութիւնը եւ անձնական զարգացումը:

Տեղեկատուական արհեստագիտութիւնները եւ օտար լեզուն ՍՄԱՐԹ ծրագիրներու եւ ուսուցման նիւթերու հիմքին մէջ են:

Մարդ-մեքենայ եւ ծրագրաւորման ոլորտին մէջ ՍՄԱՐԹի տարածաշրջանային բացառիկ գործընկերն է ձեռնարկութիւններու կառավարման մատացուած SAP ընկերութեան Next-Gen աշխատանոցը: Արուեստի աշխատանոցի նորարարական մօտեցումներու զարգացման գործընկերը «Գաֆէսճեան» արուեստի կեդրոնն է:

ՔՈԱՖ ՍՄԱՐԹ կեդրոնի բացումին ներկայ պիտի ըլլան Հայաստանի մանուկներ հիմնադրամի բարերարները, աջակիցները, գործընկերները, Հայաստանի ղեկավարները եւ դեսպանները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top