Իսրայէլ-Թուրքիա Լարուածութիւնը Կը Շարունակուի

ՊՈԼԻՍ, «Մարմարա».- Երուսաղէմի ամերիկեան դեսպանատան շուրջ ստեղծուած տագնապը դարձեալ շատ սուր համեմատութիւններու հասցուցած է Իսրայէլ-Թուրքիա յարաբերութիւնները։

Թէեւ առաջին անգամը չէ, որ Իսրայէլի հետ յարաբերութիւնները այսքա՛ն կը պրկուին, այս անգամ տագնապը քաղաքական շատ կարեւոր ենթահող ունի։ Այս պայմաններուն մէջ զարմանալի չէ, որ Իսրայէլի մէջ դժգոհութիւն եւ նոյնիսկ նոր թշնամութիւն ծագի Թուրքիոյ նկատմամբ. արդարեւ, Իսրայէլի վարչապետին որդին՝ Եաէլ Նեթանիահու, Թուրքիոյ հասցէին շատ լպիրշ հայհոյանք մը գրի առած է։

Իր կարգին, նախագահ Էրտողան, Մայիս 16ին, աշխարհի բազմաթիւ ղեկավարներու հետ հեռաձայնով խօսած է Երուսաղէմի տագնապին ու անոր հանդէպ հակազդեցութիւն ցոյց տալու հրամայականին մասին՝ դիտել տալով, որ ՄԱԿը պէտք է անմիջապէս միջամտէ։

Թէ այս խօսակցութիւնները որքանո՞վ պիտի օգնեն տագնապը լուծելու ջանքերուն՝ յայտնի չէ՛։ Իսկ Թուրքիոյ մէջ ընդդիմադիր մամուլը պախարակած է կառավարութիւնը՝ պնդելով, որ Թուրքիա միայն խօսքով կը դիմադրէ տագնապին ու գործնական որեւէ քայլ չ՛առներ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top