Ֆրեզնոյի Հայագիտական Ծրագիրի Տարեկան 30րդ Ճաշկերոյթը

Ձախէն աջ՝ դոկտ. Սերճիօ Լա Փորթա, Ռապըրթ Սարոյեան եւ փրոֆ. Պարլօ Տէր Մկրտիչեան
Ձախէն աջ՝ դոկտ. Սերճիօ Լա Փորթա, Ռապըրթ Սարոյեան եւ փրոֆ. Պարլօ Տէր Մկրտիչեան

Ձախէն աջ՝ դոկտ. Սերճիօ Լա Փորթա, Ռապըրթ Սարոյեան եւ փրոֆ. Պարլօ Տէր Մկրտիչեան

ՖՐԵԶՆՕ, «Հայ Շարժում».- Քալիֆորնիոյ Նահանգային համալսարանի Ֆրեզնոյի մասնաճիւղին մէջ գործող Հայագիտական ծրագիրի տարեկան 30րդ ճաշկերոյթը տեղի ունեցաւ Կիրակի, Մարտ 18ին, Ֆրեզնոյի «Ֆորթ Ուաշինկթըն» ակումբի սրահին մէջ, ի մի բերելով աւելի քան 200 ուսանողներ, դասախօսներ, անձնակազմի անդամներ եւ համայնքի ներկայացուցիչներ։

Ձեռնարկին ընթացքին մեծարուեցան Հայագիտական ծրագիրէն շր-ջանաւարտ եղող եւ կրթանպաստներ ստացող աւելի քան 40 ուսանողներ:

Հայագիտական ծրագիրի վարիչ փրոֆ. Պարլօ Տէր Մկրտիչեան կատարեց ձեռնարկին բացումը՝ յիշեցնելով, որ 2017-2018 կրթական տարեշրջանին կարելի եղած է աւելի քան 40 ուսանողներու 54,000 տոլարի կրթանպաստներ տրամադրել։

Ձախէն աջ՝ փրոֆ. Պարլօ Տէր Մկրտիչեան, Ուորըն եւ Լիսա Փապուճեաններ ու դոկտ. Սերճիօ Լա Փորթա

Ձախէն աջ՝ փրոֆ. Պարլօ Տէր Մկրտիչեան, Ուորըն եւ Լիսա Փապուճեաններ ու դոկտ. Սերճիօ Լա Փորթա

Ելոյթներ ունեցան նաեւ հայագիտականի դասախօսեներէն դոկտ. Սերճիօ Լա Փորթա, ինչպէս նաեւ համալսարանի պաշտօնատարներէն՝ դոկտ. Հիմենեզ Սանտովալ եւ դոկտ. Օնորա Չեփմըն, իսկ օրուան գլխաւոր բանախօսն էր համալսարանի նախագահը՝ դոկտ. Ճոզէֆ Քասթրօ, որ 2013ին սոյն համալսարանի 8րդ նախագահը ընտրուելէն ի վեր՝ եղած է Հայագիտական ծրագիրի զօրակցողներէն մէկը եւ կարեւոր դերակատարութիւն ունեցած է համալսարանի շրջափակէն ներս Հայոց Ցեղասպանութեան նուիրուած յուշարձանի կառուցման ծրագիրի իրականացման մէջ: Ան դրուատեց Հայագիտական ծրագիրի պատասխանատուները՝ աւելցնելով, որ ծրագիրը իր տեսակին մէջ լաւագոյնն է Միացեալ Նահանգներու մէջ։

Ձեռնարկին ընթացքին մեծարուեցան նաեւ Հայագիտական ծրագիրին եւ անոր պաշտօնաթերթին՝ «Հայ Շարժում»ին յատկանշական նուիրատուութիւններ կատարած՝ Ուորըն եւ Լիսա Փապուճեաններն ու Ռապըրթ Սարոյեանը, որմէ ետք ելոյթներ ունեցան ուսանողները՝ իրենց փորձառութիւնները բաժնելով ներկաներուն հետ։

Հայագիտական ծրագիրին մասին յաւելեալ տեղեկութեանց համար, դիմել (559) 278-2669 թիւին, կամ այցելել fresnostate.edu/armenianstudies կայքէջը:

 

(Քաղուած Քլեր Քասայեանի Թղթակցութենէն)

0000ASP Banquet2

 

0000ASP Banquet

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top