Զօրամասերէն Մէկուն Մէջ Բացայայտուած Է Կաշառակերութեան Դէպքերու Շղթայ 

0519corruption

0519corruption

ԵՐԵՒԱՆ, «Արմէնփրէս».- Բազմաթիւ դրուագներով խաբէութեան եղանակով զինուորական ծառայութեան պարտականութիւնները ժամանակաւորապէս դադարեցնելուն օժանդակելու եւ կաշառք ստանալու կասկածանքով ձերբակալուած է Պաշտպանութեան բանակի զօրամասերէն մէկուն շտապի հերթապահ սպան:

Հայաստանի պաշտպանութեան նախարարութեան Ռազմական ոստիկանութեան աշխատակիցներու կողմէ իրականացուած քննութիւններու միջոցաւ ձեռք բերուած տուեալներու հիման վրայ նիւթերու նախապատրաստման ընթացքին, նշեալ զօրամասի խումբ մը պարտադիր ժամկէտային զինուորներ բացատրութիւններ տուին այն մասին, որ Հոկտեմբեր 2017էն մինչեւ Ապրիլ 2018 ինկած ժամանակահատուածին, անձամբ եւ միջնորդներու ճամբով գումարներ փոխանցած են բանակին մէջ ծառայող անձի մը: Վերջինս այդ գումարներու փոխարէն զօրամաս հասցէագրած է մտացածին հեռախօսագիրներ, որոնք հիմք հանդիսացած են իրենց արձակուրդ տրամադրելու համար:

18 Մայիսին ձերբակալուեցաւ յանցագործ՝ կաշառակեր սպան, որուն անուան սկզբնատառերն են Դ. Ղ.:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top