Սփիւռքի Նախարարութիւնը Նախկին Ոճով Համաժողովներ Պիտի Չկազմակերպէ

0522diaspora

0522diaspora

ԵՐԵՒԱՆ.- ԼՕՖԹ ինքնազարգացման կեդրոնին մէջ, սփիւռքի նախարար Մխիթար Հայրապետեան, պատասխանելով կեդրոնին մէջ ներկայ գտնուողներու հարցումներուն՝ ըսաւ, որ 2018ին նախարարութեան «Արի տուն» ծրագիրը պիտի չկասեցուի, սակայն յաջորդ տարիներուն համար անիկա պիտի վերանայուի: Զրոյց-հանդիպման ընթացքին նախարարը պատասխանեց տասնեակ հարցումներու եւ մէկուկէս ժամուան համար նախատեսուած հանդիպումը տեւեց երեք ժամ:

Մխիթար Հայրապետեան նաեւ յայտնեց, որ սփիւռքի նախարարութեան կայքը շատ հնաոճ է. անիկա շուտով պիտի փակուի եւ փոխարէնը արդիական կայք մը պիտի բացուի: Մխիթար Հայրապետեան նաեւ յայտնեց, որ «Հայերն Այսօր» թերթը մինչեւ այս տարուան վերջը լոյս պիտի տեսնէ, իսկ անկէ ետք դարձեալ պիտի վերանայուի անոր թողարկման անհրաժեշտութիւնը:

Սփիւռքի նախարարը նաեւ տեղեկացուց, որ սփիւռքի նախարարութեան մէջ հին ոճով իրականացուող համաժողովներ այլեւս պիտի չըլլան, եւ ինք հակուած է կազմակերպելու աւելի արագ իրականացուող, թիրախային հաւաքներ, որոնք պիտի ծառայեն յստակ նպատակներու:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top