Փոմփէօ Կը Խոստանայ Քննել «Հազարամեակի Մարտահրաւէրներ»ու Ճամբով Հայաստանին Օժանդակելու Կարելիութիւնը

0523Pompeo-Letter-to-ANCA

0523Pompeo-Letter-to-ANCAՈՒԱՇԻՆԿԹԸՆ.- Ամերիկայի Հայ Դատի յանձնախումբը Մայիս 22ին տեղեկացուց, թէ Միացեալ Նահանգներու արտաքին գործոց նախարար Մայք Փոմփէօ նամակով մը պատասխանած է Հայ Դատին կողմէ Մայիս 8ին կատարուած այն կոչին, որ Փոմփէօ արագացնէ «Հազարամեակի Մարտահրաւէրներ» ծրագիրին միջոցաւ Հայաստանին 140 միլիոն տոլարի կրթական աջակցութիւն տրամադրելու որոշումին քննարկումը, նկատի ունենալով Հայաստանի մէջ իրականացած իշխանութեան աննախընթաց, խաղաղ եւ սահմանադրական փոխանցումը։

Ամերիկայի Հայ Դատի յանձնախումբի ատենապետ Րաֆֆի Համբարեանին հասցէագրուած նամակին մէջ Փոմփէօ կը խոստանայ քննարկել այս առաջարկը, միաժամանակ «խանդավառութիւն» յայտնելով Հայաստանի մէջ տեղի ունեցած խաղաղ ու սահմանադրական իշխանափոխութեան առթիւ։

Նշենք, որ Փոմփէօ, ի պաշտօնէ, նաեւ «Հազարամեակի Մարտահրաւէրներ» ծրագիրի վարչութեան ատենապետը կը հանդիսանայ: Հայ Դատի այս կոչը կը նպատակադրէ զարկ տալ Հայաստանի մէջ գիտութեան, արհեստագիտութեան, ճարտարագիտութեան, արուեստներու եւ ուսողութեան (STEAM) դասաւանդման զարգացման համար նշեալ հիմնարկէն յաւելեալ օժանդակութիւն ապահովելու ջանքերուն: Փոմփէօ իր նամակին մէջ նաեւ կը խոստանայ աշխատիլ Հայաստանի կառավարութեան հետ՝ երկու երկիրներուն շահերը յառաջ մղելու համար:

«Կ՛ողջունենք Հայաստանի մէջ «Հազարամեակի Մարտահրաւէրներ» ծրագիրին միջոցով STEAM կրթական ծրագիրներուն զարկ տալու ձեր գաղափարը», կը նշէ Փոմփէօ՝ յոյս յայտնելով, որ Հայաստանի կառավարութիւնը այս տարի յառաջընթաց կ՛արձանագրէ «Հազարամեակի Մարտահրաւէրներ» ծրագիրի չափանիշներուն հասնելու ջանքերուն մէջ։

Փոմփէոյի հասցէագրուած նամակին մէջ, Համբարեան շեշտած էր, թէ պատմական այս հանգրուանին, «Հազարամեակի Մարտահրաւէրներ» ծրագիրի վարչութիւնը հոյակապ առիթը ունի նպաստելու Հայաստանի ժողորդավարացման ջանքերուն, յատկապէս այս օրերուն, երբ Հայաստանի ժողովուրդը իր արարքներով փաստեց, թէ կրնայ օրինակ հանդիսանալ ժողովրդավարական կարգեր հաստատել ջանացող այլ երկիրներու:

Յայտնենք, որ Ամերիկայի Հայ Դատի յանձնախումբը այս նպատակով վերջերս հանդիպումներ ունեցած է Սպիտակ տան եւ արտաքին գործոց նախարարութեան պաշտօնատարներու, ինչպէս նաեւ բարձրաստիճան քոնկրեսականներու հետ։ «Հազարամեակի Մարտահրաւէրներ» ծրագիրը Միացեալ Նահանգներու օրէնսդիր մարմիններուն կողմէ 2004ին հաստատուած ու անկախաբար գործող մարմին մըն է, որուն նպատակն է համակարգել երկրին տրամադրելիք արտաքին օժանդակութիւնները: Ծրագիրը ցարդ աւելի քան 10 միլիառ տոլարի օժանդակութիւն տրամադրած է, ի միջի այլոց՝ նաեւ Հայաստանին, որ 2006ին ստացած էր յատկացում մը գիւղական շրջաններու զարգացման ծրագիրներ իրականացնելու նպատակով: Այս աջակցութիւնը ապահովելու նպատակով, Ամերիկայի Հայ Դատի յանձնախումբը մօտէն կը գործակցի ամերիկեան վարչակազմի անդամներուն եւ այլ քոնկրեսականներու հետ, ինչպէս նաեւ խորհրդակցութիւններ կ՛ունենայ ամերիկեան համալսարաններու հետ, որոնք կրնան դեր ունենալ ծրագիրի իրականացման գծով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. vahe said:

    Yete Amerikan gumari dimats paymanner pidi teladri kam te spaseliqner unena Hayastani Hanrapetutyunits , aveli barin klini merzhel yev endhanrapes moranal nman tsragir.
    Taratsashrjanum katarveliq qaghaqakhnutyan berumov nman tsragir petq e hamadrvi HH karavarutyan het yev unenal verjinis hamadzaynutyune`.
    HH sahmanneri anvtangutyun yev sahun ants u dardze ar aveli karevorutyun e teladrum qan finansakan ognutyunnere`.

*

Top