Փորթանթինոյի Հայանպաստ Երեք Առաջարկները Կը Վաւերացուին

0525Portantino

0525Portantino

ՍԱՔՐԱՄԵՆԹՕ.- Քալիֆորնիոյ նահանգային Ծերակոյտի անդամ Էնթընի Փորթանթինօ կը տեղեկացնէ, թէ Մայիս 23ին, նահանգային Ծերակոյտի Ամավարկի յանձնախումբը վաւերացուցած է իր կողմէ առաջադրուած հայանպաստ երեք առաջարկները։ Անոնք են՝

– Հայաստանի Ամերիկեան համալսարանի քալիֆորնիացի 6 շրջանաւարտներու համար ամբողջական կրթանպաստներ, յաճախելու համար Իրաւաբանական «Հէյսթինկզ» համալսարանը.

– 500,000 տոլար՝ Քալիֆորնիոյ պետական վարժարաններուն մէջ Հայոց Ցեղասպանութեան դասաւանդման ուղեցոյցներ պատրաստելու նախաձեռնութեան.

– 500,000 տոլար՝ Կլենտէյլի Համայնքային քոլեճը Ապրիլ 24ին փակ պահելու ծախսերը հոգալու նպատակին։

Արեւմտեան Ամերիկայի Հայ Դատի յանձնախումբի ատենապետ Նորա Յովսէփեան դրուատեց Փորթանթինոյի այս նախաձեռնութիւնը՝ յոյժ կարեւոր համարելով յատկապէս Քալիֆորնիոյ պետական վարժարաններուն մէջ Հայոց Ցեղասպանութեան դասաւանդման համար հարկաւոր գործիքներ պատրաստելու ջանքերուն յատկացուելիք գումարը, միաժամանակ յիշեցնելով, որ Ցեղասպանութեան դասաւանդման ջանքերը Հայ Դատի առաջնահերթութիւններէն մէկը եղած է երկար տարիներով։

Հայաստանի Ամերիկեան համալսարանի տնօրէն դոկտ. Արմէն Տէր Կիւրէղեան եւս ողջունեց Փորթանթինոյի սոյն քայլը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top