ՀԱՆՐԱՊԵՏԱԿԱՆ ՄԱՂԹԱՆՔ ԵՒ ԵՌԱԳՈՅՆ ԴՐՕՇԻ ՕՐՀՆՈՒԹԻՒՆ

Untitled

Untitled

Հայաստանի Ա. Հանրապետութեան հիմնադրութեան 100-ամեակին առիթով, Կիրակի, 27 Մայիս 2018-ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի տնօրինումով, Թեմիս բոլոր եկեղեցիներուն մէջ Հանրապետական Մաղթանք եւ Եռագոյն դրօշի օրհնութիւն պիտի կատարուի։ Ս. Պատարագի աւարտին, հոգեհանգստեան աղօթք պիտի բարձրացուի Սարդարապատի, Ղարաքիլիսէի, Բաշ Ապարանի եւ այլ ճակատամարտներուն ինկած հերոսներուն հոգիներուն համար։

Առաջնորդ Սրբազանը Ս. Պատարագ պիտի մատուցանէ Էնսինոյի Ս. Նահատակաց եկեղեցւոյ մէջ, Հանրապետական Մաղթանքի արարողութեան ընթացքին պիտի կատարէ Եռագոյն Դրօշի օրհնութիւնը եւ պիտի փոխանցէ օրուան խորհուրդէն բխող իր պատգամը։

Առաջնորդական Փոխանորդ Գերշ. Տ. Թորգոմ Եպս. Տօնոյեան իր եպիսկոպոսական անդրանիկ Ս. Պատարագ պիտի մատուցանէ եւ պիտի քարոզէ Հոլիվուտի Ս. Կարապետ Մայր եկեղեցւոյ մէջ։

Սիրով կը հրաւիրենք մեր հաւատացեալ ժողովուրդը ներկայ գտնուելու հոգեպարար արարողութեանց, լսելու օրուան պատգամը, աղօթելու Հայաստանի պետականութեան պահպանման ու համայն հայ ժողովուրդի անվտանգութեան համար եւ վերանորոգելու անկախութեան սերունդի կտակին հաւատարմութեան մեր ուխտը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top