Թուրքիոյ TRT Կայանը 80 Միլիոն Թուրքերու Դրամներով՝ Էրտողանի Համար Կը Բանի. Ընդդիմադիր Գործիչ

0516trt

0516trt

ԵՐԵՒԱՆ, «Էրմենիհապեր».- Յունիս 24ի ընտրութեանց սեմին, Թուրքիոյ պետական պատկերասփիւռի եւ ձայնասփիւռի ընկերութիւնը (TRT), նախընտրական քարոզարշաւի համար, իշխող կուսակցութեան եւ անոր դաշնակից ազգայնամոլներուն անհամեմատօրէն շատ աւելի ժամանակ կը տրամադրէ, քան՝ ընդդիմադիրներուն:

Ըստ մէկ ուսումնասիրութեան մը՝ Ապրիլ 17էն Մայիս 6ի միջեւ իշխող Արդարութիւն եւ բարգաւաճում կուսակցութեան, ինչպէս նաեւ անոր դաշնակից՝ Ազգայնական շարժում կուսակցութեան տրամադրուած է մօտաւորապէս 38 ժամ, մինչ ընդդիմադիր՝ քրտամէտ, իսլամական «Երջանկութիւն» եւ նորաստեղած «Լաւ» կուսակցութիւններուն միասնաբար տրամադրուած է միայն 9.5 վայրկեան։

Ընկերութեան մօտ ընդդիմադիր Հանրապետական ժողովրդային կուսակցութեան ներկայացուցիչ Իլհան Թաշճը ցաւ կը յայտնէ, որ պետութիւնը այս ընկերութենէն խլած է բոլոր կուսակցութիւններուն համեմատաբար հաւասար ժամանակ տալու իրաւունքը, որուն իբրեւ հետեւանք՝ TRT-ն, որ «կը գոյատեւէ 80 միլիոն բնակչութեան տուած հարկերով եւ պարտաւոր է հանրային լրատուութիւն ապահովել, դարձած է շատ կողմնակալ՝ ձգելով ա՛յն տպաւորութիւնը, որ անիկա կը պատկանի միայն մէկ կուսակցութեան, կամ նոյնիսկ մէկ անձի՝ հանրապետութեան նախագահին, ինչ որ կտրուկ կերպով դէմ է հաւասարութեան սկզբունքին»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top