Պաքու Կը Քննադատէ Փաշինեանի Զաւակին Բանակային Ծառայութիւնը Արցախի Մէջ Կայացնելու Որոշումը

0601Baku

0601Baku

ՊԱՔՈՒ, «Էյ.Փի.Էյ.».- Ատրպէյճանի արտաքին գործոց նախարարութեան մամլոյ ծառայութեան ղեկավար Հիքմեթ Հաճիեւ Մայիս 31ին մեկնաբանեց այն լուրը, թէ Հայաստանի վարչապետ Նիկոլ Փաշինեանի զաւակը իր բանակային ծառայութեան մէկ մասը պիտի կատարէ «գրաւեալ» Արցախի մէջ։

«Հայաստանի քաղաքացիներուն կողմէ՝ այլ երկրի տարածքին վրայ զինուորական ծառայութիւն կատարելը, միջազգային իրաւունքի եւ Հայաստանի օրէնքներու կոպիտ խախտում է», յայտարարեց Հաճիեւ:

Միւս կողմէ, ան յայտնեց, թէ Պաքու Արցախի հակամարտութեան կարգաւորման մէջ յառաջխաղացք արձանագրելու համար՝ «տրամաբանական բանակցութիւններու» պատրաստ է: Ան այս հաստատումը կատարեց՝ պատասխանելով լրագրողի մը այն հարցումին, թէ Հայաստանի վարչապետին եւ Ատրպէյճանի նախագահին միջեւ մօտալուտ հանդիպման մը հաւանականութիւնը կա՞յ արդեօք, ապա աւելցուց. «Եթէ հանդիպում կայացնելու մասին առաջարկ ստանանք, մենք այդ մասին յայտարարութիւն կը կատարենք զանգուածային լրատուամիջոցներով»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top