Մամետեարով «Ծիծաղելի» Կ՛որակէ Արցախը Բանակցութեանց Կողմ Դարձնելու Առաջարկը

0601Mamadyarov

0601MamadyarovՊԱՔՈՒ, «Ինթերֆաքս».- Ատրպէյճանի արտաքին գործոց նախարար Էլմար Մամետեարով «ծիծաղելի» նկատած է հայկական կողմին այն պահանջը, թէ Արցախի տագնապի լուծման բանակցային հոլովոյթին մաս պէտք է կազմէ նաեւ Արցախի Հանրապետութիւնը։

«Փարիզի մէջ ԵԱՀԿ Մինսկի խմբակի համանախագահներուն հետ հանդիպումի ժամանակ, ես անոնց ըսի, թէ այդպիսի պահանջ ծիծաղելի՛ է», ըսած է նախարարը՝ աւելցնելով. «Այդ առաջարկը կը վկայէ այն մասին, թէ Հայաստանի ղեկավարութիւնը կ՛ուզէ տապալել խաղաղ հոլովոյթը»:

Մամետեարով յայտարարած է նաեւ, որ Ատրպէյճան պատրաստ է բարիդրացիական յարաբերութիւններ հաստատելու Հայաստանի հետ՝ «բնականաբար, տարածքային ամբողջականութեան վերականգնումէն ետք»:

Յիշեցնենք, որ Հայաստանի վարչապետ Նիկոլ Փաշինեան նախապէս յայտարարած էր, թէ Ստեփանակերտը պէտք է վերադառնայ Արցախի տագնապին լուծման բանակցային սեղան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Վազգէն Մաւլեան said:

    Ծիծաղելի՞, Այս ԱԳՆ-ը Սարսափի մէջ կ’երեւի…

*

Top