Արցախի Ժողովուրդը Կը Ցուցաբերէ Քաղաքական Բարձր Գիտակցութիւն. Արմէն Սարգսեան

0607armen-sarkissian

 

0607armen-sarkissian

ԵՐԵՒԱՆ.- Արցախի իրադարձութիւններուն մասին Հայաստանի նախագահ Արմէն Սարգսեանի տեսակէտը իմանալու նպատակով 168.am-ը հարցում ուղղած է նախագահի աշխատակազմի հասարակայնութեան հետ կապերու վարչութեան:

Հարցումը եւ անոր պատասխանը կը ներկայացնենք ստորեւ.

– Ինչպէ՞ս կը գնահատէ Հայաստանի նախագահ Արմէն Սարգսեանը Ստեփանակերտի մէջ ծայր առած բողոքի գործողութիւնները:

– Հանրապետութեան նախագահը կ՛ողջունէ Արցախի նախագահ Բակօ Սահակեանի հետ ձեռք բերուած պայմանաւորուածութիւններուն եւ Հայաստանի վարչապետի յորդորին հիման վրայ Ստեփանակերտի մէջ բողոքի գործողութիւններու դադրեցումը: Նախագահ Սարգսեան ամէնօրեայ դրութեամբ կապի մէջ է Արցախի նախագահին հետ, ստեղծուած իրավիճակին շուրջ կը խորհրդակցի նաեւ Արցախի նախկին ղեկավարութեան եւ հեղինակաւոր մարդոց հետ:

Նախագահը գոհունակութիւն կը յայտնէ, որ Արցախի իշխանութիւնները արագ արձագանգեցին ցաւալի միջադէպին, որ դատապարտուեցաւ, որակուեցաւ անթոյլատրելի եւ ստացաւ իրաւական գնահատական: Արցախի Ազգային ժողովին մէջ կազմուեցաւ քննիչ յանձնաժողով՝ ստեղծուած վիճակին մասին համապարփակ քննարկումներ իրականացնելու համար:

Դէպքին շուրջ ծաւալած զարգացումները ցոյց կու տան, որ Արցախի ժողովուրդը կը ցուցաբերէ քաղաքական եւ քաղաքացիական բարձր գիտակցութիւն:

Նախագահը կը կիսէ այն գնահատականը, որ Արցախի համար բացառիկ արժէքներ են ներքին կայունութիւնը, պետական հիմքերու անսասանութիւնը, երկրի պաշտպանողունակութեան հետեւողական բարձրացումը, որոնց կարելի է հասնիլ Արցախի բնակիչներու աշխատանքի եւ կեանքի խաղաղ պայմաններու ապահովման եւ կենսապայմաններու բարելաւման նպատակով ընկերա-տնտեսական հարցերու լուծման միջոցով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top