Գրիգոր Սաթամեանի Թատերական 40ամեայ Գործունէութեան Գնահատանքի Երեկոյ

0000Satamian1

 

0000Satamian1

ՓԱՍԱՏԻՆԱ.- ՀԲԸՄի «Գրիգոր Սաթամեան» թատերախումբի վարչութեան նախաձեռնութեամբ, Շաբաթ, Մայիս 19ի երեկոյեան, ՀԲԸՄի Վաչէ եւ Թամար Մանուկեան կեդրոնի «Պոյաճեան» սրահին մէջ տեղի ունեցաւ Գրիգոր Սաթամեանի թատերական 40ամեայ գործունէութեան գնահատանքին նուիրուած ձեռնարկ մը՝ ներկայութեամբ աւելի քան 175 համակիրներու։

Երեկոն սկսաւ «Գրիգոր Սաթամեան» թատերախումբի վարչութեան ատենապետ եւ ձեռնարկի հանդիսավարի պարտականութիւնը ստանձնած տոքթ. Գրիգոր Սիմոնեանի բարի գալուտի խօսքերով։ Ան նաեւ դրուատեց Սաթամեանի երկարամեայ սպասարկութիւնները՝ մաղթելով նորանոր յաջողութիւններ։

0000Satamian2

Արեւմտեան թեմին անունով շնորհաւորական խօսք արտասանեց Փասատինայի Ս. Գրիգոր Լուսաւորիչ եկեղեցւոյ հոգեւոր հովիւ Սարգիս Ա. քհնյ. Փեթոյեան, որմէ ետք մեծարեալը եւ անոր մօտիկ բարեկամները՝ Պերճ Տէր Սահակեան, Հայկ Մսըրլեան եւ Տիգրան Քէիզեան, հանրային զրոյց մը ունեցան՝ վերյիշելով թատրոնի անցեալէն հաճելի իրադարձութիւններ, լիաթոք ծիծաղի պահեր ստեղծելով։ Տէր Սահակեան նաեւ ներկայացուց Սաթամեանի հակիրճ կենսագրականը։

Փակման խօսքը արտասանեց ՀԲԸՄի փոխնախագահ Սինան Սինանեան, որմէ ետք մեծարեալը շնորհակալութիւն յայտնեց բոլորին։

Նշենք, որ թատերական իր հարուստ գործունէութեան կողքին, Գրիգոր Սաթամեան 27 անգլերէն թատրերգութիւններ թարգմանած է հայերէնի, ինչպէս նաեւ 4 վէպեր վերածած է թատերական գործերու։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top